Dende fai unos díes ta moviéndose esti corréu pola rede. Ponémoslu equí pa que lu podais lleer:La canal de televisión Telecinco sofita dende güei el 'Manifiesto por la lengua común', que 'l pasáu 23 de Xunu asoleyó un ensame d' inteleutuales en Madrid. La canal comparte los petites d' esti ensame d' inteleutuales, ente los que s' afaya Mario Vargas Llosa, Fernando Savater o Álvaro Pombo, que piden al parllamentu español aperiar una normativa p' afitar que 'l castellán seya la llingua oficial de tol territoriu y la única 'que puea ser emplegada polos sos ciudadanos'. Telecinco ye la primer televisión que s' enxerta nesti manifiestu. Amás, Telecinco dixo nel informativu del mediudía, que pon a dimposición del coleutivu qu' entama esta iniciativa, la so canal de televisión pa dar sofitu a esti proyeutu.
Si ellos roblen el manifiestu, nós apagamos Telecinco. ¡Xuntos podemos! Apaga Tele5.
1 bilordios:
Esi canal yá ta bien apagáu porque nun sal otra cosa que mierda, y polo que veo, paez que nun tienen pensáo parar. Una llingua con alredor de 400 o 500 millones de falantes nun creyo que desapaeza, a non ser por un cataclismu qu'afeute namái al castellán y non a les otres 6 llingues "igualmente españoles". Estos inteleutuales tienen poco d'eso, y más bien sedrien "retardedmentales" si piensen qu'eso ye garantizar el xuegu (nunca meyor dicho) de la democrácia, que lleva sieglos bien paráu. ¿Qué mos quieren facer creyer? Yo nun puedo estudiar na mio llingua(nun quieren que lo faiga)y lo peor ye que nun soi l'únicu (nin persona, nin por idioma), y paez que, sobre too nos medios, nun esiste vida acullá del gallego, el catalán y el vascu, amás de velos como "ataques" a la "Grande y Llibre". Señores, ¿cuala ye la mio llingua materna? ¿Nun se diz nel manifiestu que tol mundiu tien drechu a falar na so llingua materna? Sí, dizse, a non ser que seya otra de les que llamen "igualmente española". ¿Tán riéndose de mio de to y d'él y de nós. Y ¿cómo ye eso de que son los ciudadanos los que tienen el drechu llingüísticu, non los territorios? Entós, ¿a qué vien esti manifiestu de reivindicación nel territoriu "español"? ¿Asturies nun tien los mesmos drechos? (Hail Sr. Lastra, pero nun me conteste vusté, por favor. Vamos nomar les coses pel nome real, porqu'esto quier facer de les nueses llingues dalgo que ta bien pa falales en casa, pero non en sitios "serios". Señores, falemos con xacíu, l'español o castellán nun cuerre pelligru n'España, nin n'Arxentina, nin en México, nin en los UUXX, nin en Perú, nin en Guatemala, nin en Venezuela, nin en Paraguay, nin en Uruguay...pero l'asturianu n'Asturies, anguaño, sí, y como esta, el gallego, el catalán y el vascu, pero a otru nivel, yá que tienen suerte (digo suerte de que tengan un drechu fundamental...) de ser cooficiales, pero tamien falo del aranés y del aragonés. Darréu sí, pensemos quien cuerre peligru y quién nun ye tolerante
Publicar un comentario