El Sespa aforra a costa la to salú

14.1.09

print this page
send email
El Seviciu de Salú del Principáu d'Asturies ye un organismu públicu sovencionáu cole perres de los y les asturianes, pero a vegaes, comportase como'l patrón más inflexible d'una empresa privada. L'Hospital Valle del Nalón ye bonoa preba d'ello. Nun tamos falando d'abusos y de la llaceriosa situación de les contrataciones del personal d'esti hospital (que daría pa otru post...), sinon, de la xestión interna de los diferentes servicios y plantes.

Casu rial colos datos camudaos:

Nolo Argüelles Baragaño, ye un paisanu de la cuenca, ex mineru, d'ochenta años y con silicosis de gráu III a más d'otres enfermedaes polmonares y d'otra mena que nun vienen al casu. Al ponese malu, la so fía llévalu al Hospital del Nalón pol serviciu d'Urxencies por que taba bastante afogáu. Al llegar ven qu'hai muncha xente esperando na sala espera y el personal del centru anda revolucionáu. Nunes hores, el paisano ta nuna camilla col tratamientu que lu va meyorar de momento, pero en vez de tar nun box habilitáu, tien la camilla en mediu'l pasiellu, tapada con un biombo y viendo xente correr p'alantre y p'atrás. A les siete hores el paisano meyora, pero la fía sabe que ye de momento y entruga si nun va quedar ingresáu. El mélicu d'urxencies da-y l'alta y diz que l'hospital ta sobre-saturáu pola epidemia de gripe. Al salir, la fía de Nolo, entérase que esi hospital tien dos plantes enteres piesllaes, mientres so pa tuvo nun pasiellu, p'aforrar perres.

El fechu de piesllar plantes, ya ye vezu vieyu nesti hospital. Suele facelo nel branu y n'avientu. D'esta manera aforra munches perres en material y sobre too en personal, ya que utilicen a los trabayaores de la planta piesllada pa dar los díes a los demás trabayaores del hospital. Aguanten coles plantes piesllaes hasta que la situación ya ye insostenible o hasta que sal na prensa, por que de cara a la opinión pública queda feo que Nolo tuviere siete hores nun pasiellu mientres había dos plantes piesllaes y queda feo mandar un paisano entranpiáu pa casa pa que a los dos díes vuelva a tar n'Urxencies. Aquello de pan pa güei y fame pa mañana...

Podeis lleer la noticia equí y tamién equí.
La semeya ye de la páxina'l sicepa.

3 bilordios:

Ricardo dijo...

Dafechu d'acuerdu colo que fales. Ye vergoñoso lo qu'asocede nel hospital de Villa.

Otru casu real ensin datos camudaos:

La hermana la mio moza tuvo un fíu prematuru, adelantóse-y 15 díes, asina que'l rapacín, dempués del partu, taba ellí, pa controlalu. L'hospital, al día darréu de nacer el mio sobrín, manda a la madre, que yera primeriza, pa casa porque había que dexar cames llibres que taba aquello mui saturao, eso sí, pue venir a da-y el pechu ella, porque lo meyor ye la lleche materno. Lo gracioso ye que'l pechu tenía que da-ylu cada dos hores más o menos (seya mañana, tarde o nueche). Dalguién pue entender cómo una muyer, al día darréu de parir, ye capaz de facer vida diendo y viniendo de, pongamos, Ciañu pa Villa cada dos hores???? (vamos suponer que nun tenga coche nin persones que tean les 24 hores del día con ella). Si l'autobús urbanu tarda media hora en llegar y otra en venir, en realidá gasta una hora nel viaxe. Conclusión, namás para una hora en casa (no digamos si ye de Llaviana, que tardaría más el bus). Vergoñoso. Y una planta, como dicís, enllena cames vacíes.

Ah, y lo más gracioso, la planta pediatría, onde tan los recién nacíos, con cartelos en plan "La madre tien el drechu de tar col fíu los díes darréu de nacer; exise esi drechu, porque'l contactu maternu piel con piel ye'l meyor..." ya incluso dicía lliteralmente "Que nun te separten del to fíu". En fin, de vergoña.

Tin dijo...

Paez qu'eso pasa a diario, dende fai dellos años...

Supongo que los que más-yos manca que que salga na prensa y la xente lo sepa. Un saludu!

Lo que fizo la borona... dijo...

Lo que fizo la borona fíu...