¿Quién vota más?

13.3.08

print this page
send email

Que nel Estáu Español nun toles persones valen lo mesmo yera persabío. Pero lo que nunca pensare foi que los votos de los ciudadanos valieren diferente. Si bien los medios de comunicación de tolos signos y collores dexen el peyeyu n’exaltar les virtudes del estáu democráticu nel que vivimos, siempre escaecen cuntanos que nun tolos ciudadanos del Estáu Español tienen el mesmu valor democráticu.

Yá tamos acostumaos a que unos paguen unos impuestos y otros paguen otros, a que unos cobren unos sueldos y otros por desempeñar el mesmu trabayu cobren muncho menos, Pero los más gordo y grave (al mio xuiciu) ye que nun toos somos ciudadanos al mesmu nivel.
Según la Llei electoral vixente, hai votos y votos.

La Llei d’Hont favorez a la mayoría, esto ye que los partíos más votaos son los que tienen más escaños d’una manera desproporcional. A estos sumense los partíos nacionaliegos de Galicia, Euskadi y Cataluña que tamién se ven favorecíos. Un votu al PSOE o a un partíu nacionaliegu Catalán o Vascu val más que’l votu a ún partíu minoritariu o d’otra comunidá.

Vamos a exemplificalo y el que quiera buscar más información ye llibre de facelo.

¿Cómo ye posible que Izquierda Xunida tenga casi un millón de votos y dos escaños y CIU tenga más de 200.000 votos menos y 11 escaños?. ¿Cómo ye posible que el PSOE tenga 10 veces más votos qu’IX pero tenga 167 escaños más?.

Si’l votu de cada ciudadanu español valiere lo mesmo, que al mio xuiciu ye lo que tenía que ser, el resultáu electoral sedría’l siguiente:

PSOE……………………………..160 Escaños
PP…………………………………146 Escaños
IU………………………………….14 Escaños
CIU…………………………………11 Escaños
PNV…………………………………4 Escaños
ERC………………………………….4 Escaños
UPD…………………………………..4 Escaños
BNG………………………………..…4 Escaños
CC-PNC……………………………... 2 Escaños
NA-BAI……………………………….1 Escañu

5 bilordios:

Jesusito dijo...

Siempre ganen los mayoritarios, ye asina. Dicíalo esti día Pablo Castellano nuna tertulia de la SER. "Lloramos agora la debacle d'IU, pero cuando pudimos, cuando yéremos la clave de gobiernu, nun ficimos ren por forzar el cambeu de la llei electoral", dicía, más o menos.
El casu ye que nun sé por qué se fai siempre l'énfasis nos partíos nacionalistes catalán, vascu o gallegu. ¿Acaso fieden? Hai exemplos entá más claros qu'esos pa desplicar lo inxusta que ye la llei electoral: con una suma de votos similar a la de IU n'Asturies, PP y PSOE se repartieron los dos diputaos de Soria, por exemplu.
Lo cierto ye que, o cambia la llei electoral, o se fai un apueste por partíos autonómicos como única alternativa a PP/PSOE, (que ye lo que intentó Llamazares). Nun hai otra.

Ricardo dijo...

Toi dafechu d'acuerdu colo que dices, Xulio. Lo que nunca naide diz, y sí que ye pa reflexonar nello, ye que la tercera fuerza política fueron los votos en blancu. 239.000 persones con drechu a votu n'Asturies que nun quixeron votar, debe ser que-yos da lo mesmo quien gane. Y eso sí que ye enforma importante como pa recapacitar nello, ¿nun creéis que daqué ta fallando (ye dicir, que los políticos tan faciéndolo mal) si tanta xente pasa de dir a votar?.
Per otra parte, lo que comentáis de que los votos nun valen lo mesmo, ye cierto, inxusto. Y tamién ye cierto que d'eso namás s'alcuerden los que pierden xusto depués les eleiciones.
Lo que fai falta ye dexase de personalismos y de "siglismos", ye dicir, pensar qu'un partíu políticu asturianista ye'l que tien qu'encabezar el resurdir del asturianismu políticu y non otru. Ta claro que la xuntanza política ye lo que fai falta. Lo demás nun val pa nada. Camiento que 1.200 votos ye a tolos efeutos lo mesmo que 800. Y entovía (y esto cáfiame) hai ún d'ellos que vien a rise del otru polos malos resultaos (http://www.asturnews.com/index2008.php?idn=6201), como si él fuera referente de daqué o como si él tuviere algamao un nùmberu importante votos. Ta claro, per otra parte, que dos nun s'axunten si ún nun quier por muncho que seyan lo mesmo con distintu nome (cuála yera la diferencia política ente AA y IAS? un gallifante a quien lo aldovine). Y pienso que Bloque por Asturies tamién podría ser bienveníu, porque los sos finxos políticos vienen a cuadrar tamién. Lo importante atalanto que ye sumar. Lo malo ye eso, el personalismu que fai engarranos con toos, y el "siglismu", ser fiel a unes sigles y nun mirar más allá.
Ai, qué cabréu traigo...

Ricardo dijo...

Fe d'errates. 239.000 persones que nun votaron, non que votaron en blancu.

Pingarates dijo...

A los del Partido Andalucista nun-yos das diputáu? :-D

ps.: acabes d'aforrame un post nel mio blogue :-P

ayalgueru dijo...

Los comunistes de IU solo tien a si mesmos a culpase de los sos males , non la llei electoral. Si bien ye cierto que nun los favorez cola mesma llei electoral anguita saco 21 diputaos ?

verda o mentra