Fai unos díes, l'Ayuntamientu de Llangréu presentó la so nueva campaña de normalización llingüística dirixía al sector hosteleru. La campaña daba continuación a la que se punsiera en marcha l'añu pasáu, nomada "Equí tas en casa" y qu'enllenó de cartelos n'asturianu los chigres de Llangréu teniendo una acoyida perbona tanto ente chigreros como ente clientes. Esta campaña tien l'enfotu de utilizar la hostelería llangreana como axente dinamizador y normalizador de la nuesa llingua. El material que se diba a repartir yeren trípticos, servilletes, toallines de llimón y sobres d'azucre que van llevar impresu'l cartelu publicitariu de dos de los museos más importantes del conceyu: la Pinacoteca Eduardo Úrculo y el Muséu de la Siderurxa d'Asturies.
La sorpresa vien cuando nos enteramos que l'Asociación Musi-Pedro Duro, propietarios de la marca Musi (que tien el so usu cedíu al patronatu del Muséu de la Siderurxa) tien denunciada la campaña por utilizar la imaxe del Musi en campañes municipales que nun «revierten nos intereses del muséu, pa lo que foi cedida en su día». Esta asociación decidió requerir al Ayuntamientu Llangréu que «retire la marca de la campaña», entamando los trámites llegales pa retirar definitivamente la utilización de la marca Musi, denunciándolo ante la oficina de patentes.
La sorpresa vien cuando nos enteramos que l'Asociación Musi-Pedro Duro, propietarios de la marca Musi (que tien el so usu cedíu al patronatu del Muséu de la Siderurxa) tien denunciada la campaña por utilizar la imaxe del Musi en campañes municipales que nun «revierten nos intereses del muséu, pa lo que foi cedida en su día». Esta asociación decidió requerir al Ayuntamientu Llangréu que «retire la marca de la campaña», entamando los trámites llegales pa retirar definitivamente la utilización de la marca Musi, denunciándolo ante la oficina de patentes.
Consigues perres pa una campaña, entames a trabayar, sáquesla alantre, faes publicidá de los dos museos más importantes del pueblu (publicidá de baldre) y encima denúnciente. Si nun ye qu'esta hestoria tien dalgún interés ocultu, yo nun la entiendo.
Que dificil ye facer daqué en condiciones nesti país, enxamás sabes por onde te van dar...
2 bilordios:
Toi con vosotros. Yo tampoco nun lo entiendo. Suponse que tan dándo-y publicidá al MUSI ¿y eso paez-yos mal? O seya, que cedieron el nome MUSI pero ¿embaxo la condición de nun publicitalu?
Témome lo peor, ye dicir, que saquen agora esto porque tean faciendo de la normalización del asturianu un usu políticu, vamos, que tengan la idea de qu'usar l'asturianu ye defender una ideoloxía política. Otru motivu nun lu veo.
Ye incomprensible, a saber lo que ta detrás. Tin gracies por acordate y traeme el calendariu All-stars Reija, ta colgau según entres nel taller, mucha xente entrugame por el. Pal 2009 en porrico.
Publicar un comentario