10.3.08
Resultaos 9 M

Les elleiciones son cada vegada más, cosa de dos. N'Asturies el PP y el PSOE repartiéronse el 88,34% de los votos tocándo-yos 4 escaños pa cada ún. El 11,66% restante tuvo repartíu ente les demás fuercies polítiques, destacando'l puestu del "Partido Antitaurino Contra el Maltrato Animal", que se consolida como 7ª fuercia n'Asturies y la entrada del partíu "Unión Progreso y Democracia" de la ex socialista Rosa Diez, qu'entra como cuarta fuercia ante'l ellectoráu asturianu.

La izquierda asturianista foi la gran derrotada, ya que la coalición "IU, BPA, LV" nun algamó nengún escañu nel congresu, "UNIDÁ" quedó con 830 votos y "Andecha Astur", que paez la única que salvó el tipu, namás llegó a 1264 votos. Un añu más la dixebra de la clas política asturianista, pasa factura a la ilusión de los sos votantes, que ven otra vegada como'l so votu queda amontonáu ente'l cuchu.

Resumen del escrutiniu d'Asturies:
Escaños totales: 8
Votos contabilizaos: 674738 - 73.8 %
Abstenciones: 239484 - 26.2 %
Votos nulos: 4317 - 0.64 %
Votos en blancu: 8550 - 1.27 %

Equí teneis tola información.

 
Díxolo Tin a les 1:10 AM | Dir a la páxina d'esta entrada |


7 Bilordios:


  • Bilordiao el Día 10/3/08 11:05 AM, Anonymous Jesusito

    Ay mamina. Bienvenido a la republica independiente de tu casa. Voi a ver si me prexubilo. Nos vemos en parque principado

     

  • Bilordiao el Día 10/3/08 12:10 PM, Anonymous Ricardo

    Menudu fracasu. La xente cuando vota en qué carayu piensa? La sociedá ta aborregada.

     

  • Bilordiao el Día 10/3/08 5:01 PM, Anonymous Pingarates

    Como partidariu d'Unidá, duélenme los resultaos.

    Pero lo que realmente m'asusta son los más de 300 mil votantes que tan felices y contentes viviendo en Parque Principado.

    Quítenseme les ganes de volver.

     

  • Bilordiao el Día 11/3/08 5:13 AM, Blogger Iberistas

    A min lo que me duel ye que l'asturianismu nun seya capaz de ser una alternativa seria. Nun podemos culpar a la xente que tá aborregada. Tamíén tenemos de facer autocrítica y la verdá ye que l'asturianismu tá de puta pena (con perdón pola espresión): milenta partíos, escisiones que si en tal conceyu, que si nun me llevo bien con estos, etc. Si nun hai una alternativa seria que seya capaz de llegar a la xente, nun tenemos nada que facer. Los "borregos" seguirán votando la opción menos mala. Ye la pura verdá.

     

  • Bilordiao el Día 11/3/08 6:44 AM, OpenID fruelarx

    Hai que siguir. Ya lo diz Skama La Rede. Nun queda otra. Magar que cada añu mos aseyemos más a los últimos mohicanos.

     

  • Bilordiao el Día 11/3/08 2:27 PM, Anonymous Ricardo

    Home, iberistas, tas diciéndome que la opción menos mala ye'l PSOE? porque fueron ellos los que xubieron. UNIDÁ, AA, IX-BA-LV baxaron en votos. Tamién baxaron en votos el votu en blancu, que naide nun mira pa él, pero ehí ta.

    Cuanto más analizo los resultaos, más aborregaos tamos. Ye lo que pienso. Y, como dicía l'otru, dígolo ensin acritú. Que della culpa la tendrán los partíos, claro, pero ente lo uno y lo otro, asina seguimos, siendo'l feudu personal de los virreis servilistes de Madrid.

     

  • Bilordiao el Día 11/3/08 4:14 PM, Blogger Iberistas

    Non. Nun digo que'l PSOE seya la opci´pn menos mala. Lo que digo ye que'l mou de votar la xente va pa opciones que considera menos males. El votu ye asina:
    1-Votu de la inercia (voto porque siempre voté esi partíu, anque lo faiga rematadamente mal).
    2-Votu cautivu (voto a quien me dio de comer).
    3-Votu del mieu (voto porque nun quiero que gane'l partíu X).
    4-Votu del descontentu (voto al partíu contrario porque estos ficiéronlo asina...).

    N'Asturies hai muncho de los votos 1,2 ya 3. L'únicu votu que pue consiguir l'asturianismu nuna primera etapa ye'l votu descontentu. Si los partíos asturianistes nun dan una imaxen serio, los votos van pa otros partíos. Mirái UPyD que col so discurso españolista arrampuñó más de 9.000 votos y ye un partíu con menos de seis meses. Agora mirai los resultaos d'Unidá ya Andecha. Nun hai color. Les dos opciones son: 1-Nun cambiar les estratexes, prefiriendo ser partíos minoritarios ensin representación. 2- Cambiar les estratexes, facer autocrítica, y dexase de personalismos estúpidos, de diferencies ideolóxiques que nun tan mui clares y ver de que forma podemos facer daqué ilusionante, nuevu, qu'atraiga a la xente desencantao, con un discursín moderao.

    Esa ye la verdá. Los partíos siempre echen les culpes al otru: bipartidismu, aborregamientu de la xente, etc. Ven el llixu nel güeyu ayenu y nun son capaces de ver la trabe nel de so. Si nun s'algamen resultaos sedrá porque daqué se fai mal, ¿nun ye asina?

    Y pa la xente, la opción "menos mala", anque nós sabemos que ye la peor, ye'l PSOE porque ye lo malo conocío. Y pa sacar a la xente d'esi estáu de lletargu hai que movese. Pegar carteles ta mui bien, pero hai que crear axitación (nel bon sentíu), facer pensar a la opinión pública. Interné ye una bona ferramienta, pero nun alcanza a toos. Hai que trabayar, pero defendiendo un programa seriu ya creyible.

     
Publicar un comentario en la entrada ~ Tornar a la Páxina Principal