Oposición frontal del mundu'l surf a la idea de dragar la desembocadura de la ría Villaviciosa (Playa de Rodiles). El drenaxe de la ría ye una brutalidá pa'l mediu ambiente. La desembocadura de la ría de Villaviciosa nutre al Espaciu Natural Protexíu de la Reserva Natural Parcial de la Ría de Villaviciosa, lo que podría provocar graves problemes nel ecosistema de la ría como: L'aumentu del caudal d'agua salada hacia la ría, que produciría el posible dragáu, traería un aumentu de la salinidá del fangu matando tolos nutrientes colos que se sustenten los páxaros. El puxu del caudal de baxada podría dexar secos los terrenos que güei son humedal y qu'usen toes les aves nel so pasu pola reserva. Nun solucionaría el problema citáu mas que de forma temporal porque l'arenal tiende a rexenerarse, como asina lo demuestren los estudios.
El coleutivu surfísta (clubes, federaciones, deportistes, etc) de too l'estáu ta rialmente indignáu cola noticia. Rodiles ta considerada como la ola más importante d'Asturies y, xunto cola so ximielga Mundaka (Euskal Herría), la más importante del Estáu Español y una de les más importantes d'Europa. La ola desapaecería al drenase los arenales. Cientos de deportistes que prautiquen surf nesta ola perderíen la posibilidá de facelo, como sucedió en Mundaka, causaríase un grave perxuiciu a la comunidá surfista, y al negociu qu'esta xenera (escueles y surf camps) en toa la fastera. La playa de Rodiles recibe visites internacionales, por mor, precisamente a la fama mundial de la so ola. Personaxes como John Peek, Hugo (Jeff) Hackman, fundaor de la firma Quiksilver surfearon la rompiente. Rodiles ye la cantera del surf asturianu. Los nuesos surfistes más representativos, entrenen y perfecionen el so surf allí. Les organizaciones Greenpeace, Surfing Foundation y Save the Waves mostráron-nos el so apoyu pa impedir esta yaceria.Fontes:
Información Actualizada en www.rodiles.wordpress.com
