Torna Felpeyu

2.5.07

print this page
send email

El grupu de folk asturianu Felpeyu va reaparecer ante'l so públicu el prósimu cuatru de mayu nel Institutu Fernández Vallín de Xixón, con motivu del día oficial de les lletres asturianes.

La banda de folk asturiana torna a la actividá musical na ciudá que siempres tuvieron como sede, aunque dellos miembros fueran d'otros llaos. Nesta ocasión, el públicu que naguaba por sentilos otra vegada va poder eterase de primera mano de les novedaes tantu musicales como na formación qu'hai nel grupu, que recientemente foi premiáu col galardón d'investigación Fini Suárez. TrayasgayA tuvo acesu a información de primera mano sobre esti tema y pue adelantar que la nueva incorporación na formación tien por nome Dudu Puente y va encargase del baxu ellétricu y la voz. El anterior vigulineru y únicu miembru foriatu del grupu, Fernando Yagüe, pasará a tocar el bouzuki. El cuatru de mayu en Xixón, podremos sentir seis pieces inédites que formaran parte, cuasi de xuru, del prósimu trabayu d'estudiu de Felpeyu. Les novedaes nun finen equi, ya que'l gaiteru, Diego Pangua tocará nesta vegada con una gaita en La, del costructor de Cimadevilla Carlos, camudando la afinación global de tol grupu.

Por otru lláu, en pocos díes podremos espublizar les conclusiones del Alcuentru de Blogueros celebráu na Escuela de Seronda.



7 bilordios:

Minimalista :-D dijo...

perbona noticia.

TrayasgayA dijo...

¿yes minimalista? Entós tas a la moda. Muncho sabes!!!

Vity dijo...
Este comentario ha sido eliminado por un administrador del blog.
minimalismu vs rococó dijo...

2 minutos 27 segundos. [tiempu que tardó en cargar esti sitiu. Y eso que dexe'l modem de 56kb en casa :-D]

Podieis montar un Sidra & Blogues pa esti vienres depués de la manifestación de les lletres.

TrayasgayA dijo...

Vity, ya te mandamos un corréu.

Pal nuesu collaciu minimalista, tenemos que conta-y que la xente de TrayasgayA ye xente fiel, que no-y importa espera un puquiñín con tal de disfrutar del nuesu blogue. Sicasí tamién ye verdá que a nos, enxamás nos tardó tanto en cargar la páxina (ni apaecío). Sacrificamos tiempu en pos de la estética. Agora falando en serio, camentamos qu'habrá que solucionalo nun futuru.

Lo del sidra & blogues, ye una idea perbona, pero nós tenemos compromisos llaborales inamovibles pa esi día (ya pedimos bastantes favores pa dir al alcuentru de blogueros). Asina que nun podemos facer na, aunque comocemos a un rapaz que tien un blogue bien prestosu que de xuru lo podrá montar (www.siero.com/pingarates). Saludos.

Anónimo dijo...

Propongo una fartura,,,
Blogs y fartures.
Esi del blog que organiza lo de la sidra... esi blog ta estropiáu...
Nun tien dibuxinos, nin nada,,,
Amás sal tamien en portugués y en gallego... CUIDAO COLA XENTE COLA QU'ANDAMOS!!!

Pantoja Askatu!!! dijo...

Depués d'esperar otru par de minutinos, tengo que dicir que llamentablemente esta fin de selmana nun torno pal leste, y quedo na primer llinia del frente :-D