Conclusiones sobre l'alcuentru de Blogueros

5.5.07

print this page
send email

Finaes ya, les xornaes de La Escuela de Seronda y habiendo asistio a toles hores d'alcuentru y formación, podemos sacar les siguientes conclusiones:

  1. -Que ta perclaro qu'Asturies ta a milenta años lluz, nel tema de la blogosfera, comparándola con otres comunidaes virtulaes que se xunten al abellugu de la so llingua o cualesquier otru tema que xune a la xente.
  2. -Que la Blogosfera asturiana tien idees, compromisu y esperamos que futuru, pero anguaño, entá ye piquiñina y aunque formada por xente con ilusión y ganes, la mayor parte nun tien el tiempu nin los conocimientos pa entamar proyeutos de categoría que nos echen un gabitu, a la hora de xuntanos y cultivar el granu que nos faiga espoxigar.
  3. -Que la xente que tién esos conocimientos, nun tién el tiempu de folganza necesariu pa ponese a trabayar darréu por esta comunidá. Polo menos por agora.
  4. -Que tamién hai que plantease les consecuencies de la web 2.0, que nun son más que les de la vida mesma y la forma de ser de la xente llevaes a la capacidá de participación n'interné.
  5. -Que pa qu'esto españara, tendría qu'haber blogues n'asturianu que falaran de coses más estremaes, ya que somos un puquiñín monotemáticos nos conteníos y falten bitácores que falen de coses y temes más variaos. Amás la xente de la cultura, como puen ser músicos, escritores, profesores, etc., entavía tienen una participación perbaxa, aunque se pasen gran tiempu de la so vida escribiendo.
  6. -Que nós, particularmente, somos unos horteras y nun tenemos nin idea de diseñu nin del tiempu que tarda en cargar una páxina nos ordenadores de la xente, por que lo que se lleva ye'l minimalismu y la simplificación, en vez del barroquismu y la sobrecarga. Y que tenemos que facer les entraes más curties.
  7. -Que si quiés triunfar n'interné (casu que nun ye'l de nueso, pero hai que tener en cuenta que per ehí hai de too como en tolos llaos), la idea ye clara y cenciella. TETES Y VIOLENCIA, aunque ye interesante qu'ente un senu y una hostia, se meta dalgún mensaxe intencionáu. Esto foi comprobao al ver in situ el artículu más lleíu de El Pais nel últimu mes.
  8. -Que Jim-box ye un crack. Y que lo que más triunfa, nel so entamu nun tien esi enfotu.
  9. -Qu'hai qu'agradece-yos a la xente que lo organizaron too, por traenos a personaxes de tanta calidá a danos les charres.
  10. -Que pa nós, lo ideal yera crear una comunidá llibre, que xorreciera a partir de los blogues, pa blogueros y asturianistes, pa los asturianos. Onde'l pesu de xestión y mantenimientu cayera sobre la comunidá y non sobre unos pocos individuos, una comunidá de los usuarios, del estilu de Domestika.

5 bilordios:

Anónimo dijo...

Toi totalmente dacuerdu con eses conclusiones...
Somos demasiao nuevos pa esti asuntu??
Realmente interésanos lo de la blogosfera???
Tenemos coses que cuntar??
Queremos conocer lo qu'opina la xente de los blogus...

Ye complicao montalo... pero si entamamos ensin pretensiones, queriendo montar un llugar d'alcuentru pa los blogs, un sitiu onde poder ver les ultimes entraes de tolos blogs, onde poder colgar noticies, solucionar problemes y falar de coses, poco a poco ensín priesa a mi nun me parez tan dificil... ye too ponese...
Ente tanta xente nun hai naide que sepa facer colos rss esos una paxinuca sin complicaciones...
con noticies, foros y dos coses más...???
Dalgunu habrá...

TrayasgayA dijo...

Daquién de xuru qu'hai. Amás camentamos qu'hai xente que ya ta trabayando nello, pero el problema ye que tamién trabaya en 36 coses más y nun hai pa too.

Tamos d'acuerdu contigo nel planteamientu que faes de lo que tenía que ser l'entamu. Tarde o temprano tien que llegar. Pero ya somos unos cuantos los que tamos naguando por ello.

Jesusito dijo...

Gracies poles conclusiones, hubiérame prestao dir al alcuentru, pero nun pudo ser. La verdá ye que sí, somos un poquiñin pesaos, hasta tenemos casi que los mesmos posts bien de vegaes. Falta muncho, pero sobre too, falta que muncha más xente entame a facer cosuques d'estes. De toles maneres toi d'acuerdo'n que los blogs nun son un fin per se, sinon un mou d'atopase na rede y entamar dende ehí proyeutos collaborativos de tou tipo. Ye too ponese, como dicíeis, y de dir axuntando al personal. El tema de los ree, planeta de blogs o daqué pol estilu... de xuru que non tardando muncho...

ayalgueru dijo...

nun puede ser tan dificil facer una www.redasturies.com del formatu de www.redliberal.com onde vayan podamos xunir los blogs y que vaigan apareciendo segun los actualicemos.

nun soy informaticu o seya nun puedo pero nun deber ser tan dificil ,.. voluntarios por favor !

Anónimo dijo...

hola, por si os apetec, www.mapastur.com un llugar pa compartir lo que os preste :-)