Esti ye'l primer añu que se fai una carta dende TrayasgayA, pa pedir coses a los Reis, asina qu'esperamos que llegue a los sos destinatarios y que nun pase como cuando de guajes pidíamos una bici y nos traíen unos calcetos y un pixama.
Como nun somos xente avariciosa, namai vamos pidir una cosina, que amás, nun tien munchu valor económicu (nun queremos abusar por mui magos que seais), aunque nos dixeron que tien gran utilidá y pue sacase-y usu abondo.
Prestaríanos que nos traxérais el Kit de Macgyver por que lleimos nes instruciones que con él, pue topase la solución a problemes percomplicaos. Asina que, querémos usalu p'algamar que'l pueblu asturianu vea los sos drechos llingüisticos, culturales y sociales reconocíos. Pa que la xente mozo que tien que colar fuera d'Asturies buscando trabayu, pueda tornar y afitase llaboralmente nel so país. Pa que la mocedá tenga acesu a una vivienda digna y ensin especulación. Pa intentar estropiar la máquina del sistema capitalista d'esplotación norte-sur y que tolos países puedan autoxestionar la so riqueza pa que la so xente nun tea que colar en viaxes suicidas. Y pa más coses que se nos van dir ocurriendo sobre la marcha, si nun se nos gasta el xugete.
Como nun somos xente avariciosa, namai vamos pidir una cosina, que amás, nun tien munchu valor económicu (nun queremos abusar por mui magos que seais), aunque nos dixeron que tien gran utilidá y pue sacase-y usu abondo.
Prestaríanos que nos traxérais el Kit de Macgyver por que lleimos nes instruciones que con él, pue topase la solución a problemes percomplicaos. Asina que, querémos usalu p'algamar que'l pueblu asturianu vea los sos drechos llingüisticos, culturales y sociales reconocíos. Pa que la xente mozo que tien que colar fuera d'Asturies buscando trabayu, pueda tornar y afitase llaboralmente nel so país. Pa que la mocedá tenga acesu a una vivienda digna y ensin especulación. Pa intentar estropiar la máquina del sistema capitalista d'esplotación norte-sur y que tolos países puedan autoxestionar la so riqueza pa que la so xente nun tea que colar en viaxes suicidas. Y pa más coses que se nos van dir ocurriendo sobre la marcha, si nun se nos gasta el xugete.
0 bilordios:
Publicar un comentario