Terra Mítica

"Primero quemose la biesca de pinos, de manera provocada, lluéu camudaron la llei que dexaba costruir sobre terrenos incendiaos y agora ye'l mayor negociu pa los promotores inomobiliarios de la costa alicantina. Siendo Eduardo Zaplana alcalde de Benidorm, produxéronse dos quemes enxamás aclaraes na Partida del Moralet, onde güei s'atopa el Parque Temáticu Terra Mítica; como notres ocasiones, incumplióse clamorosamente la Llei Forestal, que prohibe edificar en zones rústiques devastaes pol fuéu y nestos terrenos, coles pertinentes espropiaciones forzoses a los que nun taben nel xuegu, poco tiempu dempués, llevantábase con toes les llicencies y bendiciones el míticu complexu turísticu recreativu." Esbillao de: http://www.nodo50.org/tortuga/article.php3?id_article=1002

"La trama de Terra Mítica estiéndese a una empresa de la Generalitat valenciana. La Fiscalía de Valencia trasladó ayeri al fiscal Anticorrución d'Alicante una denuncia de la Axencia Tributaria por falsificación de factures en los exercicios 2000 y 2001 escontra la "Sociedad Parque Temático de Alicante" (SPTA), una empresa al traviés de la cual participaba la Generalitat nel parque de Benidorm. El fraude alcanza los dos millones d'euros.

El fiscal anticorrución de Valencia entendió que nos exercicios 2000 y 2001 la SPTA incurrió en fraude fiscal na lliquidación de los impuestos de IVA y de Sociedaes, en un delitu de falsificación de documentu mercantil, un delitu societariu y otru de malversación. Nellos implica, aunque non de forma esclusiva, a Vicente Conesa, empresariu imputáu a su vez na trama de factures falses qu'afecta a Terra Mítica, y a Antonio Rincón, ex director técnicu del parque na fase final de la so costrución y tamién imputáu nel casu Terra Mítica. Ambos fueron persones de confianza d'Eduardo Zaplana, presidente de la Generalitat Valenciana nos años que investigó Hacienda y actual portavoz del PP nel Congresu los Diputaos." Esbillao de elpais.es