Xueves, 27 de Xunetu de 2006. Esbillao de www.asturies.com
La organización Xunta Pola Defensa de la Llingua Asturiana fizo público ayeri que seyes militantes de la organización tán llamaos a xuiciu "por pidir la oficialidá de la llingua asturiana". 
El comunicáu de la Xunta esplica que l'acusación vien d'una de les actuaciones de la conocida "pita" de la Xunta, concretamente la que tuvo llugar el pasáu 16 de xunu en Llugones, onde'l Presidente asturianu Vicente Álvarez Areces inauguraba un centru de salú. La pita y un grupu de manifestantes acudieron al llugar col oxetivu de visualizar les sos reivindicaciones, dalgo que-yos impidiéron les fuerces de seguridá, que retuvieron cerca d'una hora y identificaron a los manifestantes.
La Xunta denuncia lo que-y abulta una actuación "claramente escesiva énte una protesta ciudadana, respetuosa y estríctamente democrática". La organización denuncia que "estes
actuaciones son contraries al exerciciu del derechu a la llibertá d'espresión y a la crítica política" y afirma que "namás se persigue callar les voces crítiques cola xestión d'esti gobiernu" dalgo qu'asegura que nun va consiguise. La organización afirma que "Si al presidente Areces-y molesta que les crítiques tresciendan a la opinión pública, la vía pa evitales nun ta na criminalización de la reivindicación llingüística sinon na corrección de la política de marxinación llingüística que ta llevando alantre'l so gobiernu".Nun ye la primer vegada que les acciones pacífiques de la "pita de la Xunta" acaben en xuiciu. Yá nel añu 2004, con motivu de les celebraciones del Día d'Asturies en Cuadonga, la Delegación del Gobiernu entamó un xuiciu por faltes contra ocho militantes de l'asociación que protestaron énte la comitiva presidencial. L'únicu encontu de l'acusación yera'l de "dar voces y portar pancartes contra la xestión del Presidente". Naquella ocasión, les denuncies acabaron sobreseides un añu dempués.
actuaciones son contraries al exerciciu del derechu a la llibertá d'espresión y a la crítica política" y afirma que "namás se persigue callar les voces crítiques cola xestión d'esti gobiernu" dalgo qu'asegura que nun va consiguise. La organización afirma que "Si al presidente Areces-y molesta que les crítiques tresciendan a la opinión pública, la vía pa evitales nun ta na criminalización de la reivindicación llingüística sinon na corrección de la política de marxinación llingüística que ta llevando alantre'l so gobiernu".Nun ye la primer vegada que les acciones pacífiques de la "pita de la Xunta" acaben en xuiciu. Yá nel añu 2004, con motivu de les celebraciones del Día d'Asturies en Cuadonga, la Delegación del Gobiernu entamó un xuiciu por faltes contra ocho militantes de l'asociación que protestaron énte la comitiva presidencial. L'únicu encontu de l'acusación yera'l de "dar voces y portar pancartes contra la xestión del Presidente". Naquella ocasión, les denuncies acabaron sobreseides un añu dempués.
0 bilordios:
Publicar un comentario