Destrución a toa costa

Greenpeace denuncia la presión urbanística na costa asturiana (La Voz de Asturias 05/07/2006)
Aseguren que se planeen 40.300 viviendes na costa d'Asturies. El grupu ecoloxista señala que hay 17 casos de corrupción y el fiscal niegalo.

La organización ecoloxista Greenpeace nel informe del 2006 sobre la situación del llitoral español, presentau ayeri, denuncia "les graves presiones urbanístiques que sufre la costa asturiana". Poro, pa esti coleutivu, les iniciativas urbanístiques que planeen sobre munchos conceyos son "la mayor amenaza" que tien la costa.

Greenpeace señala qu'Asturies nun se salva d'una invasión del ladrillu que supon que nel 2006 duplicarase el númberu de viviendes previstes na costa española. Asina, l'informe recueye esti añu que se sabe de proyeutos urbanizadores qu'añadirán 40.300 viviendes a la costa asturiana y amas aseguren que "el ladrillu dirixe les decisiones de munchos ayuntamientos" y que la mayor parte de los proyeutos llegen al travies de convenios urbanísticos acordaos fuera de los planeamientos xenerales d'ordenación.

Les 40.300 nueves viviendes que, según Greenpeace, tarien a puntu de llevantase na costa vienen a coincidir colos datos que manexen coleutivos ecoloxistas d'Asturies (dalgunes elevenles a 60.000) y organizaciones polítices como IX. Por otru llau, nun tienen na que ver con les afirmaciones de los alcaldes que, dende la Federación Asturiana de Concejos (FACC), cifren les sos previsiones en 25.000 viviendes y n'un plazu de más de diez años.
N'esi sen, el informe "Destrucción a toda costa 2006" Greenpeace asegura que "los casos de corrupción urbanística o sentencies contraries a la urbanización repitense nel llitoral" y asegúrase que 17 casos correspuenden a Asturies a la que namai superaría la Comunidá Valenciana con 30 causes abiertes. Según esti coleutivu, de los 17 casos 15 tarien siendo investigaos pola Fiscalía del Tribunal Superior de Xusticia d'Asturies (TSXA).