El Centru de Referencia de la Cultura y la Llingua Asturiana Casa de los Alberti de Ciañu acueye la esposición 100 Años d’anarcosindicalismu n’Asturies. Esta esposición, que va permanecer abierta al públicu dende’l vienres 10 de febreru al vienres 3 de marzu, organízala l’Atenéu Llibertariu de Xixón y cuenta cola collaboración de la CGT y l’Ayuntamientu de Llangréu.
La esposición fai un percorríu pela historia del anarcosindicalismu n’Asturies, dende los sos empiezos en 1910 hasta agora. Esta muestra, bien documentada, busca poner en valor la importancia d’esti movimientu, tolo que significó pa la llucha obrera y tamién la so faceta educadora. Al traviés d’una selección de prensa, llibros, cartelos y documentos d’archivu, recuerda a los sos protagonistes, evoca la obra anarcosindicalista y recupera la so memoria.
Fonte: Serviciu de Normalización Llingüistica de Llangréu.
0 bilordios:
Publicar un comentario