La Rempuesta de Blogasturias

1.7.08

print this page
send email

Nun apegamos equí el textu lliteral del corréu por nun tener el permisu del que lu escribió, pero mas o menos diz lo que vien darréu:

-Agradecen el corréu informativu de Ricardo Candás y aclaren que nun tienen interés nengún en apropiase d'un númberu determináu d'un eventu y que organicen el primer blog&sidra organizáu pol Comercio Digital.

-Reitérense na invitación a La Esfoyaza y el restu de blogues n'ast, por que pretenden crear un foru d'alcuentru y debate pa tola “blogosfera” asturiana.

-Pa finar, enplacen a Ricardo a sentase a falar nel propiu alcuentru, con más calma y ver si se pue collaborar nel furu pa potenciar esti tipu d'eventos, aclariando que si nun pue dir, queda la posibilidá de quedar notra ocasión pa falar y poner coses en común.


Más o menos esta ye la rempuesta, aunque hai qu'aclariar que nun rectificaron el so blog. Agora, yo teo una dubia. Ta claro que se obvió totalmente a la nuesa llingua, entós, ¿cual ye la rempuesta que tien que tener la blogosfera n'ast?. Yo creo qu'hai dos caminos a seguir. Unu ye el boicot total negando l'asistencia y la publicidá del eventu, pasando d'él igual qu'él pasa de la llingua asturiana. Y otru ye l'intentar normalizar la llingua al traviés de la normalización de la nuesa blogosfera dientro de la blogosfera asturiana xeneral (inclusu la de tol estáu), asistiendo al alcuentru, fomentando contautos y rellaciones, que nun futuru puen dar los sos frutos y saliendo de la caverna pa dexanos ver y que se sepa qu'esistimos. ¿Qué te paez?.

2 bilordios:

Anónimo dijo...

El corazón pídeme la primer solución, pero la cabeza la segunda.

La bloguesfera asturfalante tien que tener el so sitiu propiu, facer los sos propios aconceyamientos y crear los sos círculos d'espresión, eso ta claro, pero tampoco pue automarxinase del restu la bloguesfera.

Propongo siguir con Sidra&Blogues y demás aconceyamientos, pero tamién inxertase n'otros de calter más xeneral (como'l d'El Comercio).

Anónimo dijo...

Enantes de nada, gracies a Trayasgaya por facer d'ágora pública. Y agora dos cosines. La primera ye que, enantes d'unviá-yos la nota aclaratoria, yo nun recibí (como creo que la mayoría de los blogs n'asturianu) nenguna invitación a participar nesi blogasturias2008.
Y la segunda cosina ye referente a la contestación. A ver, nun-yos contesté nada porque, como bien diz Trayasgaya, nun rectificaron nada nel so sitiu web (y eso que nun se quieren apropiar de nada) y pa esta edición del eventu les coses taben yá zarraes y nada nun se diba consiguir.
Yo creo que ta bien facer coses ente nosotros (o col sofitu de dalguna alministración pero entamao por xente de la blogsfera n'asturianu) y nesa llinia habría de siguir. Quiciás, lo más paecío y asemeyao a lo de blogasturias2008 na so versión n'asturianu seya la xornada que se va dedicar na Arribada esti añu (daqué de lo que m'enteré hai bien poco). Namás vería bien participar nesi blogasturias (na edición 2009, si ye que se fai) siempre y cuando se respetara l'usu vehicular del asturianu en polo menos un mínimu del 50% de charres o ponencies y la publicidá fuera dafechu billingüe. Y eso nun me paez que vaya asoceder viniendo la organización d'El Comercio.
Pero claro, yo nin soi portavoz de naide (nin quiero selo). Ye una opinión, si la xente cree que va consiguir daqué (y pa min, consiguir daqué ye dignificar y facer del asturianu una llingua más pa falar de cualisquier tema, nesti casu, teunoloxía ya internet). Per otra parte, camiento qu'esi blogasturias tuvo poca sonadía, o eso me paez (y taba perclaro que LNE y demás medios nun diben sacar noticies d'un eventu organizáu por El Comercio), asina que ¿hasta qué puntu pue ser intenresante participar ehí? Pero yá lo digo, tampoco soi naide y que cada ún diga lo que-y paez, a ver si sacamos daqué en claro. Saludos ;)