John Moore - Getty Images, foi l'últimu fotógrafu en retratar a Benazir Bhutto con vida. Pa facer un reportaxe gráficu de primera mano, hai que tar cerca del sitiu onde se produz l'acontecimientu que se quier inmortalizar. De xuru que toos y toes nos alcordamos que dellos periodistes que perdieron la vida por tar nel mesmu megollu de la noticia. John Moore foi la persona que retrató los caberos momentos de la vida de Benazir Bhutto en el reportaxe pa'l New York Times.
Los comentarios a les semeyes son del propiu autor, nellos explica, porqué esbilló los encuadres y esgrana'l tipu de cuestiones qu'un fotoreporteru plantégase al facer el so trabayu. Podéis lleer la trescripción d'estos comentarios en castellan en ZoneZero
Equí podeis ver esti documentu gráficu.
Esbillao d'equí.
2 bilordios:
Yo soi mui críticu con ciertos comportamientos. Quiciás soi repuntante, qué sé yo. El casu ye que nun sé hasta qué puntu ye moralmente aceutable tar ente diez o venti persones feríes y, en cuentes d'ayudales, ponese a tomar fotos.
Si yo tuviera nuna manifestación y cayera una bomba y quedara mediu muertu en suelu, nun diba faceme nin puta gracia que dalguién me sacara fotos p'arriquecer el so ego profesional.
Home la verdá ye que yo ya pensé delles vegaes sobre lo que fales. Tamos avezaos a ver imáxenes del tercer mundu, d'atentaos, de desastres naturales... etc. y tan tomaes por profesionales, al marxe de lo que tengan delantre. Ellos faen la so llabor ensin intervenir na escena que contemplen. En tonu d'humor negru, esto ye la versión jevi del xaponés que graba'l fíu cayendo poles escaleres pa mandalo a vídios de primera. Dende lluéu la moralidá ye más que discutible y de xuru que daquién qu'haya estudiao ética periodística pue desplicanos un puquiñín más d'esto. Paezme perinteresante la reflexión que nos apurres y ya te digo que nun ye la primer vegada qu'a mí me vien a la tiesta.
Un saludu.
Publicar un comentario