Chapes TrayasgayA

Siguiendo col enfotu d'ampliar los nuesos productos, presentámosvos les nueves chapes cola imaxe de TrayasgayA. Nun podemos negar que crecimos nos ochenta y les chapes, xunto coles camisetes, son les valles publicitaries por escelencia na vestimienta de la xente.

Namai se fizo una serie llimitá, de forma que si ves a dalguién con una chapa d'estes pola cai, pues tar xuru, que lleva'l sentimientu de los valores de TrayasgayA nos raigones la so conciencia.

Lleer Más...

Les Asturies de Bélxica

Na rexón belga de Valonia hai una llocalidá con tastu asturianu. Llámase Les Asturies, un topónimu que vien de la presencia de trabayaores orixinarios d'Asturies qu'acudieron a trabayar a les mines y fábriques. Güei aquello ye hestoria, pero'l Gobiernu belga quier recuperar el pasáu industrial que comparten los dos territorios.

La Real Compañía de Mines, n'Arnao (Castrillón) y Solvay, de Lieres (Sieru), fueron dos de les empreses que tuvieron un protagonismu claru na industrialización asturiana del sieglu XIX. Solvay ye l'exemplu d'un grupu belga con más d'un sieglu d'hestoria, superviviente de la reconversión industrial y minera que vivió Europa durante la segunda metá del sieglu XX.

Al papel belga na industrialización amiéstase otru fechu singular: miles d'asturianos ficieron les maletes na posguerra p'atopar un empleu dignu nes mines y nes siderúrxiques de Valonia, principalmente.

www.lne.es

Lleer Más...

Gobierno que no Gobiernu

El nuevu Gobiernu d'Areces yá ta faciendo la política antiasturiana que munchos nun quieren ver. Fai cuatru dies que formaron gobiernu, y les primeres midíes que se tan tomando son, una vez más, la represión, la marxinación y el ningunéu de la cultura asturina. Porque la Llingua Asturiana ye un patrimoniu cultural que nos pertenez y porque'l Gobiernu del PSOE tien que trabayar por defender esi patrimoniu, TrayasgayA quier denunciar una vez más la incompetencia, la soberbia y la represión a un drechu fundamental que ye'l drechu A FALAR LA TO LLINGUA NEL TO PAÍS.

Esti artículu foi publicáu na Voz d'Asturies el sábadu 11 d'Agostu. Lleelu y saca-y les vueses conclusiones.

"Las consejerías de Bienestar y Justicia pierden los rótulos en asturiano.

El antes y el después de los rótulos en la Administración. Una de las primeras medidas de las consejerías de Bienestar y Justicia, en esto se han dado prisa, ha sido sustituir el asturiano por el castellano en los rótulos de sus salas de prensa. Ambos departamentos de la Administración autonómica, hasta ahora en manos de Izquierda Unida, habían recurrido al bilingüismo para designar a ambas consejerías. A partir de ahora, el español será el único nombre que aparezca en la rotulación. Fuentes del Gobierno asturiano justificaron ayer los cambios. Indicaron que la medida parte de ambas consejerías y no de la presidencia del Principado y obedece fundamentalmente a que el asturiano no es oficial en Asturias"

http://www.lavozdeasturias.es/noticias/noticia.asp?pkid=358396

Lleer Más...

Llangréu d'ayeri y de güei

Nesta direición atopamos un trabayu fechu sobre'l Llangréu del pasáu y el Llangréu d'anguañu. Una composición de testos y semeyes que nos echa un gabitu a la hora d'averanos a los oríxenes y evolución del nuesu conceyu. Dende equí, prestábanos dar les gracies a la xente que lo fizo y tamién nos facía ilusión compartilo con vos.

http://www.planetastur.com/langreoayeryhoy

Lleer Más...

TrayasgayA pol Mundu. Fuerteventura

Fuerteventura ye una islla del archipiélagu canariu, situada nel Océanu Atlánticu a 97 km de la costa noroeste d'África. Pertenez a la provincia de Las Palmas, una de les dos que componen Canarias. La capital ye Puerto del Rosario, onde se atopa'l Cabildo Insular, que ye'l gobiernu de la islla. El nome indíxena, enantes de la so conquista nel sieglu XV, yera Majorata o Maxorata, d'onde deriva el xentiliciu majorero (orixinalmente majo o maxo).

Ye la más árida de les islles y tamién la más cercana a la costa africana. Tien una superficie de 1.659,74 kilómetros cuadraos, siendo la segunda islla más estensa del archipiélagu. Al noroeste, a sólo 6 km, ta la pequeña Islla de Lobos, que ye parte de Fuerteventura, con una superficie de 4,58 kilómetros cuadraos.

Tien grandes planicies frutu del procesu erosivu al ser amás la islla con mayor antigüedá del archipiélagu canariu, habiendo experimentado numeroses erupciones volcániques a lo llargo la so hestoria. De la superficie de Fuerteventura, 47.695,1 ha tan ocupaes por 13 espacios naturales protexíos, como les zones cubiertes de llava del Malpaís Grande y Chico, el llugar d'interés científicu llocalizáu nel Saladar de Jandía o'l monumentu natural de la Montaña de Tindaya, por exemplu.

Tien una población de 89.680 habitantes. A lo llargo la so hestoria Fuerteventura sufrió una pérdida de población por mor a la situación económica y al clima, que la convierte nuna islla árida. Sicasí, el desarrollu turísticu nos 80 provoca que les cifres demográfiques medren añu tres d'añu dende entós, llegando a duplicase en pocu más d'una década.

La islla de les playes interminables, el turismu, les cabres supervivientes y l'aire.

Lleer Más...