Fuerteventura ye una islla del archipiélagu canariu, situada nel Océanu Atlánticu a 97 km de la costa noroeste d'África. Pertenez a la provincia de Las Palmas, una de les dos que componen Canarias. La capital ye Puerto del Rosario, onde se atopa'l Cabildo Insular, que ye'l gobiernu de la islla. El nome indíxena, enantes de la so conquista nel sieglu XV, yera Majorata o Maxorata, d'onde deriva el xentiliciu majorero (orixinalmente majo o maxo).
Ye la más árida de les islles y tamién la más cercana a la costa africana. Tien una superficie de 1.659,74 kilómetros cuadraos, siendo la segunda islla más estensa del archipiélagu. Al noroeste, a sólo 6 km, ta la pequeña Islla de Lobos, que ye parte de Fuerteventura, con una superficie de 4,58 kilómetros cuadraos.
Tien grandes planicies frutu del procesu erosivu al ser amás la islla con mayor antigüedá del archipiélagu canariu, habiendo experimentado numeroses erupciones volcániques a lo llargo la so hestoria. De la superficie de Fuerteventura, 47.695,1 ha tan ocupaes por 13 espacios naturales protexíos, como les zones cubiertes de llava del Malpaís Grande y Chico, el llugar d'interés científicu llocalizáu nel Saladar de Jandía o'l monumentu natural de la Montaña de Tindaya, por exemplu.
Tien una población de 89.680 habitantes. A lo llargo la so hestoria Fuerteventura sufrió una pérdida de población por mor a la situación económica y al clima, que la convierte nuna islla árida. Sicasí, el desarrollu turísticu nos 80 provoca que les cifres demográfiques medren añu tres d'añu dende entós, llegando a duplicase en pocu más d'una década.
La islla de les playes interminables, el turismu, les cabres supervivientes y l'aire.
2 bilordios:
Tu por ahi de vacaciones y los demas currando como negros, en mi epoca los sustitutos no tenian derecho a "na" pero como cambian las cosas, nen.
Si ho!!!
¿Cómo ye que los eventuales tienen drechu a que les hores que faen d'escesu de xornada (que non vacaciones), yos les den en forma de descansu en vez de pagáyosles (cosa que nun se si te percatarás que-y pue interesar en forma a l'alministración)??. ¿¿Ónde se vió qu'en casi tres años trabayando, te den alrodiu de venti díes y encima a costa de pedir favores a los compañeros??. En fin...
Si ye qu'estos eventuales nun se lo que quieren, encima querrán cobrar y cotizar...
Aunque los que tengan un idefiníu sean tan eventuales como'l que más pero con poca memoria...
Salú.
Publicar un comentario