Les fiestes patronales de Llangréu peligren al nun haber candidatos a la direción de El Carbayu.
La directiva saliente trata de crear una xunta xestora pa «salvar polo menos» los actos del día 8 de setiembre.
Les fiestes patronales de Llangréu vuelven a tar en peligru d'estinción. La asamblea de la sociedá de festeyos "Nuestra Señora del Carbayu" piesllose el domingu pasáu ensin que nengún miembru presentara candidatures a la direción, y la directiva saliente trata agora de formar una xunta xestora pa organizar polo menos los actos del 8 de setiembre, día de la patrona. «A la asamblea del domingu pasáu namai asistieron 14 socios y nengún d'ellos presentó una candidatura a la presidencia», señaló Beatriz Álvarez, que nun quier siguir llevando les riendes de la sociedá de festeyos. «Yo anuncié fai tiempu que lo dexaba, que nun quería siguir, pero naide quier tomar el relevu y les fiestes peligren», afirmó la última presidenta de la sociedá de festeyos Nuestra Señora del Carbayu. Na asamblea del domingu acordose intentar formar una xunta xestora pa entamar los actos del 8 de setiembre y pa esi fín convocose una reunión de socios que se va cellebrar el prósimu 27 de xunu (a les 19.30 hores en primer convocatoria, y a les 20.00 hores, en segunda) en les antigües escueles de El Carbayu. «Intentaremos salvar al menos los actos del 8 de setiembre pa que dempués, con tiempu, se intente constituir una nueva directiva que vuelva a organizar les fiestes», señaló Beatriz Álvarez, que tampoco ta dispuesta a formar parte de la nueva xunta xestora. La sociedá de festeyos Nuestra Señora del Carbayu organiza anualmente los actos festivos y romeríes qu'acompañen a la celebración relixiosa del día de la patrona de Llangréu y entrega el galardón de «Langreano de honor».
Amás, alcordaivos que:
El 23 de Xunu va haber una: Xornada d'estudiu sobre instrumentos de percusión gallegos impartinda por: Manuel Gómez Alonso nel Conservatoriu de Llangréu (Sama). Teneis más información en llangreumusicatradiconal.blogspot.com
Y queremos camentavos que ya tamos finando'l trabayu de remocique del blog con motivu del nuesu primer aniversariu, asina que nun falta muncho pa que podais ver los cambios.
