La Llibrería. La Tregua (1960).

12.6.07

print this page
send email


Mario Benedetti--14 de setiembre de 1920- Paso de los Toros(Tacuarembó, Uruguay).

Martín Santomé ye un oficinista que vive contando los minutos y les hores de la so xornada llaboral, que tien controlada por horarios pa llevantase, pa entrar a trabayar, pa tornar al llar, pa aburrirse, pa too. Lleva una vida rutinaria, ta viudu dende fai un par d'años y colos sos fíos vese, más bien, poco.

Escomencipia'l so diariu un 11 de febreru con estes palabres: “Sólo me falten seis meses y veintiocho díes pa tar en condiciones de xubilame”. La prosimidá de la xubilación va facelu dir desgranando la so vida colo vivío y lo cotidiano, mientres ve amenazada la so afayaiza rutina por espacios de tiempu que son un vacíu pergrande. Una guerra escontra'l tiempu pa cubrilu y dignificalu. Una ráfaga fugaz y fulgurante d'amor ye la tregua de Santomé cuando entra a trabayar na oficina la xoven Laura Avellaneda. Ella llena la so vida atristayada y vacía con tolo bono del amor. Esa ye la tregua, pero nun duró munchu tiempu. El fatal desenllaz fai que too paezca un una imaxe nel espeyu, namai un suañu prestosu que a penes duró un suspiru.

Acaba'l so diariu un 28 de febreru atopándose frente a frente cola mesma yercia cola que entamó: “Dempués de tanta espera, esto ye l'ociu. ¿Qué voi facer con él?”


El llibru merez la oportunidá de ser lleíu. Son poco más de 100 páxines. Escritu de tal forma que casi te paez que yes tú mesmu quien lu escribió. Nun ye una hestoria cursi y ñoña como paez. Son sentimientos contaos d'una forma tan rial que terminen por emocionate. Ye la meyor hestoria qu'enxamás lleí por, precisamente, ser maravillosamente cenciella y cotidiana.

Esti ye'l final d'una una poesía acerca del llibru que ta dientru del Inventario Uno:


"...quizá porque vivir es eso
es estar cerca y yo me estoy muriendo santomé
no sabe usted qué oscura
qué lejos qué callada usted martín
martín cómo era los nombres
se me caen yo misma estoy cayendo
usted de todos modos
no sabe ni imagina
qué sola va a quedar mi muerte sin su vida."


Fecho por Sil pa TrayasgayA.

0 bilordios: