Nuevu Diseñu

28.6.07

print this page
send email

El Blog de TrayasgayA ta d'aniversariu. N'esti mes de xunu de 2007 cumple un añu de vida y pa festexalo, decidimos camudar dafechu el diseñu del nuesu blog. Paeznos qu'un añu yera'l tiempu perfeutu d'afitamientu y maduración na rede, asina que dempués de dellos conseyos, punsímonos a trabayar cola fín d'actualizar un puquiñín la nuesa imaxe na rede y intentar iguar dellos problemes que veníamos sofriendo. Con esta nueva plantilla, queremos intentar meyorar el tiempu de carga del blog y caleyar poles sendes del minimalismu, aunque tenemos que reconocer qu'esto último cuéstanos abondo.

No que cinca'l cumpleaños, namai queremos dicir qu'entamamos ensín nenguna pretensión y asina cumplimos l'añu y esperamos siguir. Sabemos que ye pocu tiempu, pero'l mundu d'interné ye efímeru y nestos doce meses ya vimos ñacer a dellos miembros de l'asturblogosfera y morrer otros cuantos. Prestaríanos qu'esto siguiera cola andecha de toos y aunque nun mantenga'l ritmu d'espublización d'esti añu, esperamos que tarde muncho en morrer.

Salú ya TrayasgayA.

1 bilordios:

Pingarateru dijo...

Que diferencia chico. :-D

Norabona, y a seguir.