Esto yera un mozu que facía un discu de bandurria asturiana y dempués de denuncialu por grabar temes tradicionales, poner delles semeyes nel llibrín del cd y nun poner bibliografía, condergábenlu a pagar 8.000 €. El mozu llamába a los sos collacio pa que-y echaran un gabitu y ficieron un conciertu nun teatru la capital pa sacar fondos y algamar pagar la multa. Dempués del conciertu, que tuvo una entrada bastante bona, ponse a echar cuentes y entama a restar de la recaudación tolos gastos derivaos del eventu, como'l percaru equipu de soníu. Cuando se pon a mirar cuanto-y quedó, suena'l teléfonu.
-¿Diga?-
-¿El Bandurrieru?
-Sí, soi yo, ¿quién llama?-
-Soi la SXAE, tienes que dame el 10% la recaudación...
Esti foi el chiste. ¿Ríeste?. . . yo tampoco.
[La convocatoria]: Nuevu día!!!
Esti xueves día 22 de payares, a les seis de la tarde, na casa la cultura de La Felguera, va tener llugar la presentación a la prensa de la marcha a pié que se va facer dende'l Valle del Nalón, con motivu de la Manifestación organizada pol C.A.O. pal 24 Payares. A ver si se enllena el salón d'actos. Vémonos ellí.
7 bilordios:
El chiste ye bonu, maldita la gracia.
Ye de vergoña.
Salú
Gracies oh, ya taba enterada, pero nun dexé recáu (mala costume) vémonos!
Coime, ¿qué ye, que nun se sabía que por facer un eventu públicu nel que tocaben asociaos de la SXAE diba tener que pagar les tarifes... esto ye... un 10% del presupuestu? Ayayayay....Ye lo que hai... y cuidadín nun lo metan presu. En cuantes a lo del llugar del sidra y blogues, tábemos enteraos... intenté va tiempu meteme nel wiki y nun me dexó dexar respuestes.. dalgo fice mal...
cuando pones temes ensin pidir permisu ye lo que pasa. l'artista, dani garcía de la cuesta, ye normal que pide los sos drechos d'autor. y enriba pones material gráficu d'él y nin pones de quién ye... en fin. y tovía l'heroe ye'l que copia. un abrazu
A nós lo que nos paez intolerable y sobre too un ataque priváu a la cultura popular asturiana ye qu'un particular pueda rexistrar temes tradicionales asturianos.
Tamién nos paez ridículo qu'haya esta llucha llegal ente dos músicos que comparten el fín d'investigar y promover un tesoru tan murniu y moribundu como ye la bandurria asturiana(ente otros istrumentos igual de poco estendíos ente la nuesa sociedá). Sólo lo podemos entender si pol medio hai ganes d'un ataque personal.
Si el llimiagu montés ta a puntu desapaecer y tú y yo somos de los pocos que lluchamos pola so supervivencia, vamos face-y un flacu favor si nos dedicamos a atacanos por vía xudicial y muncho más si tenemos en cuenta que la resolución del xuiciu nun nos va retirar a nengún.
Y por último lo que creemos que ye indiscutible ye la desproporción de la multa. 8.ooo euros pa un discu d'un tema tan anticomercial como la bandurria asturiana, que nun tuvo beneficiu nengún, creo que ta perclaro que ye una barbaridá, sobre too si el "delitu" ta en nun poner bibliografía (que foi lo que'l xuez dixo, ya que tolo demás quedó desestimao).
Nun nos paez qu'haya nengún héroe. La verdá qu'en too esto aseméyasenos más a la vergoña qu'al heroismu.
Otru abrazu pa tí, por lleenos y opinar, aunque nun sabemos la to identidá. Un saldudu.
Alberto Ablanedo da una opinión muy interesante y sensata al respeutu.
http://albertoablanedo.blogspot.com/2007/11/juicios-3.html
Yo personalmente coincido con Trayasgaya y qu'un particular pueda rexistrar temes tradicionales asturianos o de cualesquier sitiu non ye tolerable.
Solo espero que la nomada "Plataforma en defensa de la música tradicional asturiana" entamada por Héctor, non quede dempues del pagu de la multa nel olvido y tenga como premisa lo que promulga, que defienda la música tradicional del oportunismo y sociedades del negocio facil, pero que de sofitu como paez ser el casu a los que la recuperan y conservan.
Esto ye una opinión personal.
Chus Solis.
Hola, namás quería saludar y confirmar la mio asistencia al alcuentru de blogueros en calidá d'autora de Coses que (me) pasen y humilde alministradora de Llectores y llectures. Lo único que vos pido ye que perdonéis si llego un pocoñín más tarde.
Un saludín, vémonos
Publicar un comentario