Güei de tarde foi la presentación a la prensa de la marcha a pie que va tener llugar el 24 Payares dende'l Valle del Nalón. El sitiu esbilláu foi el salón d'actos de la biblioteca pública de La Felguera y l'actu entamó de magar les 18 hores. Contó cola presencia de Fernando Hornosa como cabezaleru del C.A.O. y de representantes de delles asociaciones y partíos políticos del Valle, asina como de vecinos a títulu individual. Previamente, hubo xente que mandó comunicaos de prensa pa que l'actu tuviere repercusión mediática, que yera el verdaderu sentíu de la convocatoria. A les 18:25 nun había llegao nengún miembru de nengún mediu de comunicación. Finó la "rueda de prensa" esin qu'apaeciera naide por allí. De toes formes va mandase otra nota contando lo que pasó a los principales periódicos, a ver si mañana sal daqué. Esperemos que'l sábadu nun seya asina.
4 bilordios:
Ye una vergoña lo que pasa colos medios de comunicación n'Asturies y la so relación pa col asturianu, como se nota que son la voz del amu...
Hola Rapazacos, ¿qué tal vos vei?
Bono, entós de marcha pal Sidra&blogger ¿verémonos, non?
Un abrazu dende l'Occidente!!!
Pues sí, vergoñoso. L'informativu territorial de TVE n'Asturies nun dixo nada de la manifestación convocada pol CAO (ye dicir, por cientos de agrupaciones sociales) el vienres, ye dicir, un día enantes.
Tamién dicir que yo me muevo muncho pela cuenca del Nalón, y intento dir a tolos actos n'asturianu o que sofiten l'asturianu, lo malo ye que l'horariu de trabayu limita un pocoñín la voluntá.
Polo demás, supongo que nos vemos n'Uviéu. Saludos.
Un saludu pa los dos. Tamos estirando los músculos pa mañana nun tener tirones y con un güeyu nel nuberu a ver si nos va acompañar tola marcha. Esperamos secar pal sidra&blogues. Vémonos.
Publicar un comentario