La Conderga d'Héctor Braga

12.11.07

print this page
send email

Fai un par de díes taba con mio güela delantre casa, faciendo la visita rutinaria que faen los nietos, y nun sé porqué quedeme mirando pal Horru.

- Güelita! Esi horru ye mui guapu- díxi mirando pa la paisama.
-Sí fiu sí, ta cayendo yá'l probín- contestome
-¿Cuántu tiempu tendrá güeli?, ¿más de cien años?-
-Buhhh, yera mio ma una neña, que va... mio güela..- díxome mientres facia cálculos mentales de los años y xeneraciones que habíen pasao yá.
-Güeli, vamos tener que rexistralu. Nun nos lu vaigan a copiar-

La cara d'ablucada que punxo mio güela foi esactamente la mesma que punxe yo, el día que me cuntaron lo de Héctor Braga.-¿Que lu denunciaron por qué ho?-

Dende TrayasgayA creemos que'l patrimoniu cultural y artistíticu d'Asturies ye de toos y toes los asturianos y asturianes, que naide tien dengún drechu a compralu, vendelu y nin muncho menos apropiase d'él. El llabor qu'Héctor fai na esbilla y fomentu de la cultura y tradición asturiana ye indiscutible y la situación na que ta güei ye de vergoña. TrayasgayA quier dar el nuesu sofitu a Héctor ya invitar a tou aquel ne nos llee a que vaiga esti vienres 16 de payares a les 20 h. al Conciertu que la Plataforma en defensa de la Música Tradicional Asturiana organiza nel Teatru Filarmónica d'Uviéu.

Nós vamos a tar ellí. Teneis más info en http://www.conciertupolatradicion.com/

Una multa de 8.000 Euros por un discu d'un tema tan anticomercial y a puntu desaniciase como la bandurria asturiana ye una barbaridá se mire por onde se mire...

- Podéis mercar hasta'l 21 d’Avientu les papeletes de fila 0. Por 3€ xugáis 4
cifres col sortéu de la llotería nacional del 22d’Avientu, y pué tocavos una
cesta productos asturianos y un fin deselmana n’una casa rural nos Picos
d’Europa. Van tar en chigresconocíos d’Uviéu, Xixón, Avilés,
Llangréu,
Llaviana, Mieres …etc.


- Tamién podéis donar la cantidá que queráis (poniendo bien claru, eso
sí,quién lo dona), nel númberu cuenta de CAJASTUR:2048 0010 1 2
0300276298Comproba-y qu’Héctor Braga seya ún de los titulares, por si
acasu.

El Nuesu reconocimientu pal blog Escucando Estrelles por que foi el primer sitiu onde lo vimos espublizao.

2 bilordios:

Anónimo dijo...

Calla, ho, nun teníes porqué dicilo, yera dalgo que la xente nun paraba de bilordiar.

Una entruga: yo creo que nun voi poder dir, pero si hai fila cero taría bien que l’apurrieres (¿va ser por perres, ho?) pa poder echar un gabitu.
Salú.

Tin dijo...

Pues sí qu'hai una fila cero. La verdá que tolo en que podamos echar un gabitu va ser poco, ya seya con perres o simplemente esparciéndolo pola rede pa que se enteren el mayor númberu de persones posible. Yo sólo sé lo que pon equí: www.conciertupolatradicion.com

pero si quiés información de primera mano, voi apurrir un par de correos:

platmusicatradicionalasturiana@googlegroups.com

hectorbraga@gmail.com