Dulce Oficialidá

9.11.07

print this page
send email

Un total de 100.000 sobres d'azucre tán siendo repartíos por establecimientos hosteleros de toa Asturies nos que s'anuncia la manifestación pola oficialidá de la llingua asturiana convocada pal próximu día 24 de payares n'Uviéu. Trátase d'una campaña desarrollada pol Conceyu Abiertu pola Oficialidá (CAO), organización integrada por más de 200 partíos políticos, colectivos y agrupaciones deportives, vecinales y sociales que reivindica la oficilidá de la llingua.

No que cinca'l Valle del Nalón, repartiéronse más de 10.000 sobres por dellos chigres de la cuenca. La iniciativa tuvo una rempuesta perbona en tol valle, asina como en toa Asturies, recibiendo avisos por parte los chigreros pa aumentar el númberu de sobres.

Po otru lláu ya se entamen a ver pola cuenca los cartelos de la mani del 24 payares y les marches. El 14 de payares va haber un conceyu nes escueles dorado de Sama a les 7 la tarde, pa concretar tolos detalles. Más info en http://www.24payares.org/

1 bilordios:

Ateyavana dijo...

Hai munches coses que son una vergoña, pero hai que dir sacándoles a la lluz, anque tean los tiempos un poco pih.os y agora te metan una demanda por menos de nada... Si se callen les coses, acaben ganando'l partíu por non comparecencia de la otra parte, y yo soi de los que piensa que pa ganar hai que curráselo.

Y ya lo dixi, anque nun tea pal día de la mani (toi fuera d'Asturies faciendo un inventariu) conta-y conmigo pa lo que salga dempués ¿val?.

Salú.