El conceyu de Llangréu cuenta otra vez con una de les sales cinematográfiques de más sonadía de la cuenca del Nalón, el Cine Felgueroso de Sama. En 2005, el Conceyu compró l’edificiu cola idea de recuperalu pa usu públicu. Depués de la reforma, el Felgueroso acueye dos sales con capacidá pa 410 espectadores y un centru de estudios audiovisuales.
L’edificiu, orixinalmente de tres pisos, repártese agora en 2 niveles. Na parte baxo allúgase la sala cinematográfica, que cuenta con un patiu de butaques pa 210 espectadores y un anfiteatru pa 130. A ésta, súmase una segunda sala de proyección pa 70 persones nel pisu riba, que va acutase pa los usuarios del centru d’estudios y les tertulies cinematográfiques del conceyu. Alredor d’esta sala instalóse un espaciu de dos altures pa un archivu de llibros especializaos y material audiovisual, con sala de consulta, despachos y talleres d’imaxe y soníu.
Na inauguración proyectose la película Horizontes Lejanos , la mesma cola que entamaba l'andadura del vieyu cine a finales de la década de los cincuenta.
Atopao en http://www.estayadasturianu.es/
0 bilordios:
Publicar un comentario