Nós Tamién Vamos a Xixón

26.4.07

print this page
send email

Dellos miembros de TrayasgayA ya se apuntaron na páxina http://www.cmpa.es/v_juventud/apartados/pl_contenido.asp?te=602 pa poder asistir a lo que pretende ser el primer alcuentru de blogueros en llingua asturiana. Dende equi queremos dar el nuesu másimu apoyu a esta iniciativa. Llevamos tiempu ya, difundiéndolo pela blogosfera asturiana y camentando ente los blogues que nos presta lleer, pa que naide quede ensin enterase d'esti asuntu. Al marxe del nuesu interés por xuntanos y poner coses en comuña con otros blogueros que usen la llingua asturiana como vehiculu de tresmisión, na Escuela de Seronda va a haber más actividaes rellacionaes colos bloges. La parte dedicada a esti tema entamará'l domingu 29 a partir de les cuatro la tarde y el llunes 30 dende pola mañana. Too esto será nel vieyu Insitutu Xovellanos, aunque tamién habrá conciertos pola nueche notros llaos de Xixón y delles cosiquines más.

Segun pudo saber TrayasgayA los temes van centrase nes "Comunidaes Virtuales", "Aprovechamientu de los Espacios de Baldre na Rede" y dellos talleres y charres qu'ampliaran la ufierta, a cargu de xente de fuera'l nuesu país y otros llariegos como el conocíu direutor de cortos jim-box , autor de la esitosa serie de Henry Felgueroso que podemos atopar nel youtube. El domingu 29 l'horariu será de 16 a 19:30 hores y el llunes de 9:30 a 14 hores y de 16:30 a 19:30 hores pela tarde.


Sabemos que otros Blogues como MunduXaime, El Fortín del Chamicu, Xabeldiz, Metalastur o Asturtec ya confirmaron la so presencia, asina como otra xente que nun conocemos y nun sabemos si tarán detrás d'otres bitácores conocíes o serán los prósimos en crear un nuevu blogue fechu n'Asturies. Otros como Ricardo Candás de ,La Esfoyaza camienta que nun podrá dir pero esparde'l llamamientu dende'l so espaciu.


Esperamos venos en Xixón el fin de selmana. Salú.

4 bilordios:

Ricardo Candás dijo...

Espero qu'esa Escuela de Seronda seya un llugar afayadizu pa sacar conclusiones y da-y mayor puxu al asturianu na rede. Como bien dices nun voi podir asistir, o como muncho escapame un ratiquín pero bono, yá acabó'l plazu y espero que los que vayáis, llueu nos comentéis en vuestros blogs.
Gracies Trayasgaya por teneme presente. Un saludu ;)

Diestru dijo...

You fixo fixo al 100% nun tou, pero vou facer por dir...

Cuanto más tarde seya la houra, pa min, meyor...

Iría el domingu por min a las 20.00h........

Pero sinon, el llunes de xuru

esfarrapando'l mundu dijo...

You anduve intentándolo fasta última hora, pero nun vou ser quien a ir. Muita suerte, ya cumo diz Ricardo Candás, espero'l comentariu nos vuesos blogs pa saber cumo foi.

Vity dijo...

Yo tampoco voi poder dir, pero doi anuncia nel blog del alcuentru. Un saludu y a ver que tal sal too.