Ye ver a yogui y pienso n'Asturies

15.11.06

print this page
send email
Lo que hubiera dao TrayasgayA por tar fisgando por un furaquín el día que'l que ideó esta campaña, la espuso delantre los conseyeros de turismu del Principau. Imaxinaivos la escena.

L'autor, supongo que traería una bona presentación, llámines, power point de xuru, defendiendo con seguridá y convencimientu el puxu y validez de la so idea. Esplicaría que se necesitaba un personaxe que acompañara a dellos deportistes asturianos (xuntanza de fantasia y rialidá), un personaxe que la xente de tou l'estau español relacionara con Asturies y fuera reflexu de la variedá que'l turismu asturianu pue ufiertar a los sos visitantes. Tarde o tempranu llegaría el momentu cumbre al final de la esposición, cuando la atención de los conseyeros tuviere centrada en conocer la gran baza d'esta propuesta, la sorpresa final cola que convencer de que, definitivamente, taben enfrente de la campaña perfeuta, nel que la persona que defiendió esta esposición tuvo que ponese de pie (nun ye pa menos) y dicir:

"El protagonista de la campaña ye ¡¡¡El Oso Yogui!!!"

Si TrayasgayA tuviera un puestu na Conseyería de Turismu, lo primero que nos vendría a la tiesta, sería qu'esti home, nun tuvo tiempu a facer una campaña de verdá y copiólo de los deberes del so fiu escolín de 7 años.

La Nueva España: "La utilización de personaxes famosos incide un 25 por cientu más na intención de los consumidores. «Además de simpático y muy conocido, pone en valor la rica fauna del Principado, con el oso pardo como animal emblemático, y está vinculado a los valores de la marca Paraíso Natural». Esta campaña va suponer a les arques del Principau 400.000 euros, a los qu'hay que sumar los más de 3,7 millones que va costar la difusión, que tamién incluirá anuncios en prensa, radiu y sales cinematográfiques. Pa que «Yogui» sea el nueu embaxador d'Asturies en España ye necesario pagar drechos pola utilización de la so imaxen, que aguaño son propiedá de la Warner (EE.UU.), pol tiempu que dure la emisión del anunciu".

Cada ún, que saque les sos conclusiones, que d'esto, puen sacase delles...

2 bilordios:

Anónimo dijo...

La verdá ye que que meyor que un debuxu animáu pa desplicar lo que ye Asturies anguaño...

Gracies al vuesu comentariu conozco yo esti blog agora tamién. Tan cerca/tan lloñe..

Asina que gracies y un saludu.

Anónimo dijo...

L'osu Yonki y Bobu... Que DESASTRE!!!