La Mani Prieta

19.11.06

print this page
send email
Con unos minutinos de retrasu casi agradecíu polos que nos volvimos llocos intentando aparcar y llegamos col tiempu más bien xustu, arrancó la marcha de delantre la Estación del Norte d'Uvieu. La pancarta de cabeza tenía un testu curtiu, cenciellu y direutu. Detrás d'ella había una Bandona de Gaites compuesta por casi un centernar de gaiteros, y percusionistes, de delles bandes asturianes que consiguieron un soníu de potencia ablucante (lo que indireutamente silenció, en parte, los glayíos de los manifestantes), baxo la direción de Xuacu Amieva. Xunto otru grupu que dende la cola de la mani tamién diben tocando, ficieron la banda sonora de la manifestación, llamando en forma la atención de la xente que dende les ceres, veia alrodiu de 13.000 persones caleyar pola Cai Uria.

Por dientru de la maifestación comentábase la presencia del ciclista Chechu Rubiera y la escultora María Jesús Rodríguez, asina como'l deseu del árbitru de primera división Mejuto González, de asistir a la mani. Tamién se comentaben les declaraciones de Víctor Manuel, que parez ser qu'admitió que aunque nos años 80 podía entender la contraposición de les autoridaes a la oficialidá de la lligua de nueso, nun podía entender qu'anguaño siguieran oponiéndose. Foi una marcha, onde había xente de toles edaes y estayes de la sociedá, munches families colos fios, grupos de moces, collacios, cares qu'enxamás se hubieran visto nesti tipu d'actos demostrando una vegada más que la llingua ye cultura y nun entra en ningún estereotipu. Un exemplu de civismu que desarticula los intentos de criminalización por parte del sector más retrógradu del gobiernu de V.A. Areces.

L'actu finó na Plaza Porlier, onde la poeta asturiana Ana Vanesa Gutiérrez leyó'l comunicau de Conceyu Abiertu. Un conciertu del gaiteru Santi Caleya, Carlos Rubiera y Los Gatos del Fornu punxo'l puntu final a la xornada.

6 bilordios:

R2K dijo...

: )

El que pasaba llista dijo...

Un tal Xabel de Llangréu NUN FUE!!!

Anónimo dijo...

Carlos Rubiera aburrio a les piedres

Xuan dijo...

Pues yo no estoy de acuerdo con la oficialidad, no estoy en contra del asturiano pero estoy en contra de los inventores de palabras y que ellos nos digan lo que tenemos que hablar.

salud camaradas

Anónimo dijo...

la oficialidá nun ye la obligación de falar n'asturianu, simplemente ye la reconocencia de los drechos de los astur-falantes.

Anónimo dijo...

El pocentaxe d'homosexules nel Estáu Español ye del 10% o menos. Que ye que tienen que tener menos drechos que yo?
Yo nun soy gay pero diría una mani que reclamare igualdá de drechos pa esi coleutivu. Los drechos civiles son pa tol mundu. Nun sólo palos castellanofalantes, galegofalantes, catalofalantes o heterosexuales, etc...
Si tú nun quies falar n'asturianu nun lo fales, pero nun-y lo impidas a los que si quieren.
Eso si ye una IMPOSICIÓN