Comu L.legar: La casería de Valentín, distante 14 km de Tineu, ta emplazada na vía municipal que enllaza con la TI-6. Pue ise dende La Puela d’Allande en dirección a Gera y coyer un desvíu hacia la manzorga al llegar a Gera.
Esti roble (especie Quercus robur) atópase situau xunto a la ermita de la llocalidá de Valentín, nel conceyu Tineu. Ye un exemplar de 16 m d'altura, 10,5 de perímetru, y 20 m de diámetru de copa
. Creese que ye'l exemplar más vieyu d'Asturies, ya que la so antiguedá ta corroborada por documentos anteriores al descubrimientu d'América, según la Enciclopedia Asturiana. Fue declarau monumentu natural nel añu 1995 (declarau pol decretu 73/95 del 27 d'abril), pa poder asina, asegurar la so conservación.
5 bilordios:
¿Dónde ta el escolanciu de Begoñina???????
Busca, busca que ta per ehí...
A mí pémeque'l texu de Bermiego (Quirós) yera de polo menos fai milenta años... colo qu'esti nun pué ser el más vieyu d'Asturies.
¿Toi enquivocáu?
Por ciertu, qu'esti blog pon la fecha que-y da la gana, porque el comentariu anterior ye míu, y güei ye 11 Xineru 2007. igua-ylo!
TrayasgayA tuvo fai poco en Bermiego, viendo'l Texu milenariu (ye una pena que les semeyes salieran tan mal por culpa de que llovía y yera casi de nueche y nun les podamos subir al blog) y tanto esti como'l Carbayón de Valentín, tienen una antigüedá que nun se pue asegurar, aunque tengamos referencies como lo del descubrimientu d'América o los nomemos milenarios. Sicasí l'unicu obxetivu del títulu d'esta entrada yera llamar la atención al llector sobre la vieyura del arbol y intentar causar l'interés suficiente como pa que se parara a lleer el artículu. En nengún casu queríamos que paeciera una verdá absoluta, por que nun conocemos tolos árboles que habrá polos montes d'esti país que puen tar hasta ensin catalogar nin siquiera.
En cuantu a lo de la fecha, has de mirar que la fecha del to comentariu sal, debaxo d'él, debaxo d'una raya y nun ye la d'arriba, que correspuende a comentariu superior aunque nun lo paezca.
Salú.
Publicar un comentario