La Masa Crítica ye un fenómenu ciclista que tien llugar tolos meses en numeroses ciudaes del mundu. La so finalidá ye reivindicar una mayor presencia de bicicletes y medios de transporte sostenibles nes ciudaes pa reducir el ruíu, la contaminación, atascos y la inseguridá que provoca la hexemonía de los coches. Quier concienciar a la xente, convidalos a pensar y a imaxinar un estilu de vida muncho más saludable, basáu en valores que nun desfaigan la sociedá en que vivimos.
El movimientu tuvo'l so orixe en San Francisco en setiembre de 1992 como una forma de xuntar estremaos coleutivos nuna reivindicación folixera del espaciu públicu. En 1993 llegaron a xuntase más de 1000 ciclistes nesa ciudá.
El nome de la Masa Crítica garrose del documental sobre ciclismu de Ted White, Return of the Scorcher - 1992. Nel reportaxe, George Bliss (diseñaor estadounidense de bicicletes) describe una escena típica en China, onde los ciclistes nun puen cruzar les cais pola cantidá de coches que circulen y pola falta de semáforos. Sele, más y más ciclistes van axuntándose esperando para cruzar la cai, y cuando hai un númeru suficiente - una "Masa Crítica" como George Bliss lo llamó - moviendose toos xuntos puen avanzar sobre los coches y cruzar la cai. Cuando la xente se xunta coles sos bicicletes, puen llegar a tomar el control de les cais de la ciudá, si el so númeru ye suficientemente grande. La relación de poder colos conductores d'automóviles va camudando: un/a ciclista pue ser atropelláu/á, cinco puen ser intimidaos, pero cincuenta o cien ciclistes ¡reclamen la cai! El términu ta identificáu con teoríes sociales que dicen que una revolución social ye factible cuando se llega a algamar una cierta cantidá, una "Masa Crítica" de sofitu popular.
Vienres 2 de Payares 2012, 20h. Plaza'l Parche d'Avilés.
Vienres 2 de Payares 2012 20h. Plaza La Llosa, Uviéu.
El Primer Vienres de cá mes en Avilés y Uviéu.
El caberu Vienres de cá mes en Xixón.
El caberu Vienres de cá mes en Samartín del Rei Aurelio (Biblioteca L'Entregru).
El caberu Vienres de cá mes en Xixón.
El caberu Vienres de cá mes en Samartín del Rei Aurelio (Biblioteca L'Entregru).
0 bilordios:
Publicar un comentario