La Verdá Tapecía [conflictu mineru]

25.6.12

print this page
send email

Dende fai un mes tan pasando munches coses n'Asturies, qu'en situaciones normales sedríen portada na prensa estatal y oxetu de debates, día sí y día tamién. Sorprendentemente, (o nun tanto...), la repercusión d'esta situación nun ye la esperada por cualesquier persona, aunque nun tenga nin idea de periodismu. Pue ser qu'anguañu haya muncha bayura de noticies o pue ser que nun interese que se conozcan los detalles y les causes d'esta revolución social, tando silenciá a propósitu, por órdenes de xente que toma decisiones cimeres.

Nestos casos, la rede ye una ferramienta perimportante. Les redes sociales, onde un anónimu fai una semeya col móvil, na más entamar una barricada, o graba al Exércitu Español, "faciendo maniobres" pola Cuenca Minera, son la única ferramienta que tien la sociedá pa conocer la verdá de primer mano. Hay una cuenta en twitter, col nomatu de "Mineros Asturianos" que ta axuntando tola información sobre'l conflictu, con más de 5.200 siguiores. Agora tamién tien un blogue, pa les coses que nun entren en 140 lletres.

Recomendámosvos que lu miréis...

http://minerosasturianos.blogspot.com.es/

1 bilordios:

Adivín Serafín dijo...

Ye avergoñante. Hai muncho qu'Asturies nun vende n'España.