Hasta agora un total de 22 blogues ya mandaron les sos votaciones. De momentu, los votos tan bien repartíos ensin que ningún blogue se despegue de la tiesta.Préstanos aclariar que la puntuación que se da con 1 puntu, ye na más pola estética del blogue. Esta puntuación sumarase al total pa esbillar el meyor blogue, pero dará llugar a una mención especial, esbillando tamién al blogue con meyor estética o diseñu.
Aunque mandamos dellos correos a varios medios informativos d’Asturies, pocos fueron los qu’espublizaron esta iniciativa, asina que si tienes la posibilidá, encamentámoste a movelo pa que se entere el mayor númberu de xente posible.
Nos díes que vienen darréu, vamos tener dellos alcuentros pa sacar alantre algun proyeutu que tenemos asociáu a la votación al meyor blogue y a la comunidá bloguera en xeneral.
Tai sollertes…
1 bilordios:
Hola Tin, soi Eli. Como sabes dexé l'espeyu la xana fai tiempu. Pero picóme esto de los blogs y abrí ún nuevu, por si lu quies incluir na to páxina llinguablog (¿aldovina quién m'ayudó pal diseñu?). Saludos!
Publicar un comentario