El Nuevu Teatru La Felguera va acoyer, güei vienres 4 y mañana sábadu 5 d’avientu, l’estrenu de la obra L’Encierru. Esti estrenu coincide cola entrega de la medaya de plata que l’Ayuntamientu de LLangréu concede al Grupu Teatru Kumen pola so trayectoria enriba les tables, más de 20 años de trabayu y 50 obres de teatru estrenaes.
La obra L’Encierru tien llugar nos primeros años de la transición, cuando un grupu sindicalistes pertenecientes al comité nacional d’una organización sindical, decide encerrase nun pozu mineru pa denunciar una serie problemas esistentes nel sector. Cuando tán baxando pel planu inclináu que comunica col pozu, los guardies xuraos corten la lluz, polo que tienen que percorrer un buen cachu’l camín a escures. Esti ye l’empiezu l’espectáculu que güei vienres 4 y mañana sábadu 5 estrena’l Frupu Teatru Kumen nel Nuevu Teatru La Felguera, la obra va empezar a les 20:15 hores.
L’Encierru fala de les hores vivíes por unos sindicalistes mineros dientro un pozu’l Valle’l Nalón. L’encierru llévenlu a cabu pa forzar una negociación sindical cola empresa tres dellos meses de fuelgues y movilizaciones; y cuenta les rellaciones personales que surdieron ente los sindicalistes y cómo la so cultura sindical llega a condicionar les sos vides y les de tolos de la so rodiada. L’Encierru tamién cuenta cómo s’incorporaron les muyeres un mundu tan machista y lo difícil que-yos fue sobrevivir nél.
FICHA ARTÍSTICA L’ENCIERRU
Matías: Cos Cueva Álvarez
Luisín: Ernesto González Argüelles
Pedro: Chus Prieto Pedregal
María: Laura Suárez Martínez
FICHA TÉCNICA L’ENCIERRU
Títulu: L’Encierru
Testu orixinal: Jose Ramón López Menéndez
Dramaturxa, dirección y puesta n’escena: Jose Ramón López Menéndez
Ayudante de dirección: Paula Moya García
Traducción al asturianu: Eloy Antuña Zamarro
Diseñu y realización de vestuariu: Azucena Rico
Diseñu y realización d’escenografía: Teatru Kumen/Nuria Trabanco Franco
Diseñu d’illuminación: Ángel Díaz Iris
Diseñu Gráficu: Marcelino de la Fuente
Fotografía: Pablo Iglesias
La obra L’Encierru tien llugar nos primeros años de la transición, cuando un grupu sindicalistes pertenecientes al comité nacional d’una organización sindical, decide encerrase nun pozu mineru pa denunciar una serie problemas esistentes nel sector. Cuando tán baxando pel planu inclináu que comunica col pozu, los guardies xuraos corten la lluz, polo que tienen que percorrer un buen cachu’l camín a escures. Esti ye l’empiezu l’espectáculu que güei vienres 4 y mañana sábadu 5 estrena’l Frupu Teatru Kumen nel Nuevu Teatru La Felguera, la obra va empezar a les 20:15 hores.
L’Encierru fala de les hores vivíes por unos sindicalistes mineros dientro un pozu’l Valle’l Nalón. L’encierru llévenlu a cabu pa forzar una negociación sindical cola empresa tres dellos meses de fuelgues y movilizaciones; y cuenta les rellaciones personales que surdieron ente los sindicalistes y cómo la so cultura sindical llega a condicionar les sos vides y les de tolos de la so rodiada. L’Encierru tamién cuenta cómo s’incorporaron les muyeres un mundu tan machista y lo difícil que-yos fue sobrevivir nél.
FICHA ARTÍSTICA L’ENCIERRU
Matías: Cos Cueva Álvarez
Luisín: Ernesto González Argüelles
Pedro: Chus Prieto Pedregal
María: Laura Suárez Martínez
FICHA TÉCNICA L’ENCIERRU
Títulu: L’Encierru
Testu orixinal: Jose Ramón López Menéndez
Dramaturxa, dirección y puesta n’escena: Jose Ramón López Menéndez
Ayudante de dirección: Paula Moya García
Traducción al asturianu: Eloy Antuña Zamarro
Diseñu y realización de vestuariu: Azucena Rico
Diseñu y realización d’escenografía: Teatru Kumen/Nuria Trabanco Franco
Diseñu d’illuminación: Ángel Díaz Iris
Diseñu Gráficu: Marcelino de la Fuente
Fotografía: Pablo Iglesias
2 bilordios:
La obra ta bien. Párteste de risa, anque llueu, camín pa casa, décataste de que más que pa rir, ye pa llorar, porque fala d'una Asturies muncho más real y cercana de lo que paez. Munchos habríen salir colloraos.
Por cierto, el fotógrafu nun ye Juan Plaza (conózolu y comentómelo él), él collaboró n'otres coses con Kumen, pero agora'l fotógrafu ye Pablo Iglesias.
Saludos
Munches gracies pol apunte, agora mesmo torno el fallu. ;-)
Publicar un comentario