Dempues de pidir ayuda a la rede, la bloguesfera n'ast respondió y gracies al gabitu de dellos collacios, tamos trabayando pa entamar la votación al meyor blogue n'asturianu del 2009. Comparando cola votación del añu pasáu, va a haber dellos cambios, que esperamos sean pa meyor. Un sitiu nuevu onde votar, un corréu nuevu y una sistemática nueva. Esperamos que tola xente que tien un blogue en llingua asturiana pase y dé el so votu. Amás tamos en trámites d'intentar sacar alantre dalguna sorpresina más...Esti añu la cellebración d'esta votación nun podía haber llegao a ser posible ensin el gran trabayu de Ricardo Candás y l'altruista collaboración de González y González y Marquinos
La nuesa intención ye sacar a la lluz la páxina de les votaciones alrodiu el 1 xineru si too va bien, pa que se pueda votar durante tol mes de xineru y sacar los resultaos nel mes de febreru.
Tar sollertes.
3 bilordios:
comu nun abris les votaciones a llectores en xeneral y non solo a los autores de bloges ?
Siempre y cuando provean una direccion de mail que nun tea sio utlizada y tal.
Entiendo que ta un poco mas abierto al fraude pero cuestame creer que pueda haber daquien tan folgau y tan chiflau comu pa crear milenta direcciones pa votase si mesmu.
Comu seya que lo faigais, gracies y suerte !
saludos
Gracies pol comentariu!
Nun entamu, la idea yera un premiu al meyor blogue, dáu polos propios blogueros y blogueres, que me paez que al venir de "dientro" d'esti movimientu, tien un gran valor.
Como cada añu, vamos evolucionando, de xuru que lo que comentes llegará nel próximu añu, a lo meyor...
lo de la xente folgada que comentes... quedaríes asutáu colo qu'hai per ehí...
Un saludu.
¡Xenial! A mi particularmente prestame asgaya qu'heba esti concursu :D
¡Milenta gracies pola iniciativa y muncha suerte a tolos blogues! :)
Publicar un comentario