Esta ye una bona selmana pa la xente que-y preste la música de raigañu, de baldre y que tenga tiempu, nesti mes d'Agostu pa poder disfrutar d'ella.Güei entama el novedosu festival Xixón 5º40'. Esta primer edición pretende ser l'entamu d'una cita afitada na programación estival de Xixón. Ente dellos actos qu'integren el progama, vamos poder disfrutar de conciertos de nivel internacional y actuaciones a lo llargo'l día por delles llocalizaciones de Xixón. La cultura atlántica llega a la capital de la costa verdi de la mano de la conceyalía de cultura tradicional y llingüa asturiana del ayuntamientu Xixón.
Pue vese'l programa enteru y tolos detalles na páxina del festival.
Po otru lláu, Baiña, cellebra el so festival + o - celta esti Vienres, con un cartel formáu por «Dixebra», «Llangres», «Patriband Folk Orl.lestra» y Anabel Santiago.
2 bilordios:
5º40' encarga la páxina web a una candidata del BNG,pero nun la encarguen a xente de Xixón o d'Asturies polo menos, non, van y encárguenla en Galicia. Pero lo escandaloso ye que la encarguen a una candidata del BNG en Ribeira, a una candidata d'un bloque que diz que los conceyos ente'l Navia y l'Eo son "galegos".
¿Queréis comprobar lo que vos digo?. Fácil.
Entrais en http://xixon540.com/, calcais nun sitiu que nun tenga enllaz col botón derechu del ratón, y dais a "ver códigu fuente". Saldrávos la plantiya y nel entamu topais la firma de l'autora (ontent="Arume Desenvolvementos Informáticos" />). Si guetais esta empresa en google veréis que ye la marca de Mari Cruz Lorenzo Rivadulla. Agora entrai na páxina del BNG de Ribeira (http://bng-ribeira.org/domi/index.php/o-meu-equipo/) y mirái quién ye la candidata col númeru 27.
ESTO YE UN ESCÁNDALU. ¿CUANDU DIMITIRÁN LOS RESPONSABLES?
Nun teníamos ni idea... Munches gracies pol to comentariu, por que de xuru que muncha xente nun sabía esto y cuando menos, ye opinable...
Publicar un comentario