El Rei d'España vino a Llangréu a ver el centru de formación d'HUNOSA. La Cuenca ya nun ye lo que yera, pero a vegaes sigue demostrando que equí pasaron coses y piénsase d'una determinada forma. Aunque nes elleiciones municipales, gane'l PP nel distritu de La Felguera, aunque na fachada la Ilesia de sama haya unes lletres alcordándose de los caíos por Dios y por España (igual que nel vieyu edificiu de La Salle), aunque na metá de les cases, inda tean el yugu y les flechen enriba los portales y a pesar de tantes coses, que tapecen la memoria, y no engañen cola pantasma del comodismu burgés falsamente sustentáu por unes prexubilaciones vergoñoses y a la fín, fatales pal futuru y el presente.
Sicasí, aunque a vegaes parezca lo contrario, les coses son por algo y si el Rei d'España vien a Sama, lo más fácil ye que pase esto, aunque a l'alcaldesa nun-y guste y se sienta "atristayada, dende'l puntu de vista municipal", falando de la falta respetu. Podríamos falar muncho sobre'l respetu, col Rei y cola propia alcaldesa.
Amás del asuntu de les banderes y los cantares, los trabayaores d'Enferbús y de Diasa tamién se manifestaron ayeri pola tarde con motivu de la presencia del monarca, reclamando una solución pa los sos respeutivos problemes llaborales.
Ayeri'l Rei vino a la cuenca. Sí, a la del Nalón...
3 bilordios:
Esi mesmu día, pela nueche, vi eses imáxenes y el reportaxe nel noticiariu de CMTV. Lo que ye bien triste ye que n'El Comercio haya una sección d'imáxenes de la visita'l rei y de les 40 semeyes, nun haya nin una amosando'l republicanu recibimientu. Hai unes ganes de tapecer la realidá y en amosar una falsa imaxe de la corona que fai tiempu que me pruye.
Polo demás, salú y república.
Pa eso val la blogosfera, pa nun quedar namás cola versión oficial y llegar a la rialidá. A mí tamién me pruye que les vindicaciones llaborales que tamien hebo esi día, quedaran tapecíes pol tema de les banderes republicanes...
Bien cierto ye, Tin.
Publicar un comentario