El Meyor Post de 2008

1.1.09

print this page
send email

Fino'l 2008 y paez que neste feches, siempres ye vezu echar los güeyos p'atrás. Los balances del pasáu y los proyeutos del futuru suelen mecese n'añu nuevu cola resaca y les ilusiones.

Aprovechando que la blogosfera n'asturianu ta votando el meyor blogue del añu 2008 y siguirá votando durante tol mes de xineru, prestábanos espublizar equí, el que pa nós ye'l meyor post de 2008. Naquelles xornaes que'l Conceyu la Mocedá entamó en Xixón fai dellos años y que me paez que supuso el primer actu de la hestoria alrodiu la blogosfera n'ast, xente que sabe d'esti asuntu, díxonos que un bon post tenía que ser curtiu, más o menos de 200 pallabres, por que a partir d'ehí el llector cansaba y dexaba de tener interés. A esto hai que sumar que la rede ye un inframundu rápidu, con más información de la que podemos retener. Asina que'l bon post tien que ser rápidu, direutu y cenciellu, pero neses tres característiques hai que meter el mensaxe que te interese tresmitir, si ye posible adornáu con sesu, humor o violencia, pa asegura-y una bona recepción por parte del llector.

Pensando nestes carauterístiques y pensando no que nos reímos el día que lu vimos, paeznos que'l meyor post de 2008 ye La Oficialidá va llegaaaarrrr… del blogue González y González, que curiosamente ta a la tiesta de la votación a meyor blogue. Norabona a los hermanos González y esperemos que sigan ufiertándonos ayalgues como esta.

¿Cuál te paez a tí que foi el meyor?

5 bilordios:

Dangerous Piper dijo...

Mamina... yo toi alucinando... munches gracies, pero cuido que hai munchos más artículos na blogosfera asturiana dignos de mención... el problema ye cual, y ye que la comunidá ya ye curiosina y calidá se ve en munchos blogues... lo que queda claro ye que TrayasgayA tamién ye mui freak ;D

Anónimo dijo...

Pal mio paecer el meyor artículu foi "Por qué nunca se fundo'l PORQUË" de'l xanu'l caborniu. Paezme orixinal, ácidu, críticu, en nun va más.
(La Ribonense)

Tin dijo...

Home, hai que tener en cuenta qu'esto ye namás la nuesa opinión! Artículos hai abondo y bonos hai dellos, ye una decisión complicada.

Dangerous Piper, TrayasgayA ye un blogue n'ast, asina que ta perclaro que tien un componente freak dignu de mención. Sicasí, l'asturianismu real, ya nos paez bastante friki, asina que'l virtual nun te digo na...

VeritasEtSeveritas dijo...

Toi d'alcuerdu en que "La oficialidá va llegarrrl" ye un finxu bloguesféricu (va ser una fras de risión yá pa siempre, veréislo... yo úsola davezu yá en conversaciones na cai) y qu'esa entrada d'El xanu ye pa enmarcar y recordar siempre -como tantes de les que fai-. Otru maestru del sincretismu de pesu ye La Esfoyaza.

Sicasí conmigo eses "regles" fixes de bono/malo nun furrulen. Pa mi, una gran entrada ye la que me fai pensar, la que m'apurre dalgo brillante, granible, o dexa "posu". Igual me da que seyan dos frases, un videu o un ensayu lliterariu de la virxe. Val, reconozo que yo mesmu meto a veces unes parrafaes de la puta so madre... son vezos personales. Igual que me presten los blogues d'enriba, préstenme otros con articulos llargos como "In Tabierna", "Lux Omnia Vincit", "La llingua a pacer", "A Escures", etc.

Too ta bien, son distintos ritmos qu'esixen estremaos averamientos al lleelos, pero presta qu'haya xente con talentu nel titular poderosu y nel mensaxe cenciellu, y blogues con gustu pol artículu ellaboráu, fonderu y llargu.

Ricardo dijo...

Si yá ye abegoso escoyer el meyor blog n'asturianu, nun vos digo nada de la meyor entrada. Gracies VeritasEtSeveritas por alcordate del mio blog, no fondero yes un románticu, como yo.
Y la verdá que lo de la oficialidá va llegaarrr foi prestoso.