La Despedía del trasgu y Vity

27.10.08

print this page
send email

Nestos díes, acabamos de vivir dos fechos que se puen calificar d'Hestóricos dientro la curtia hestoria de la nuesa blogosfera. Tamos falando d'una comunidá onde los blogues más vieyos anden alrodiu los 3-4 años (con unes excepciones mínimes) y onde, nós, consideramos que ya hai blogues de cultu, blogues míticos y blogues pioneros. El fechu ye que dos de los blogues más importantes de la nuesa comunidá, acaben d'anunciar el cese de la so actividá. Estos sitios son Fueya en Blancu y El Trasgu d'areces. Ye una pena perder xente asina y al llegar a esti puntu, tamién nos alcordamos d'otros compañeros que tamién lo dexaron como Esfarrapando'l mundu o Les Muyeres con Paxellu.


Esto debe ser un ciclu como los qu'hai na vida, onde entamen nuevos miembros d'una comunidá a la vez que desapaecen otros. Esto enriquez la hestoria y la pluralidá, pero siempres queda un requexu señaldosu. Gracies compañeros.

3 bilordios:

Ricardo dijo...

Firmo'l vuestru manifiestu. Y pa ellos, gracies.

Anónimo dijo...

Gracies pola entrada compañeru. Gracies a vosotros por lleenos, polos mensaxes y por siguir ahí. Nós siguirimos pasándonos pela blogosfera, nun tengáis dulda, y d' esti lláu de la barricada. Salú!!!

TRASGU

esfarrapando'l mundu dijo...

Muitas gracias por alcordavos d'una cousa tan pequena cumo yiara'l miou blogue!!! Nun penséis que por dexar d'escribir dexo de l.leevos, una pena que Trasgu ya Vity lo dexaran, a ver si en cuenta de dúas pérdidas ganamos un meyor aruelu.com.
Ya, siendo sinceru, dacuando tovía me peta escribir daqué...