Tuenda 2

24.6.08

print this page
send email

Entama equí, lo que dende TrayasgayA, esperamos que seya una collaboración que dure a lo llargo'l tiempu. El polifacéticu Xose Antón "Ambás" entama a collaborar con nós, apurriéndonos información d'interés sobre los sos proyectos y delles cites a tener en cuenta na xeografía'l país. El primer textu que nos manda, fala del segundu discu de Tuenda que se va presentar esti xueves n'Uviéu:

"El segundu Cd "TUENDA 2" ya un Cd con 14 temas tradicionales inéditos sacaos del mio archivu de tradición oral, nel discu tamién buscamos una representación xeográfica de tol País, hai pieces del ocidente del centru y del oriente. Tan representaos los diferentes ritmos tradicionales tocando diferentes temáticas del nuosu folklor, los sones pal baille, pa la danza, pa pedir l'aguilandu, pa rezar na selmana santa ou pa durmir un nenu. Esti repasu xeográficu tamién ye un repasu llingüísticu de las variantes del nuosu idioma como lo foi el primer cd de Tuenda.

Nun camudamos d'estilu, somos los tres que yeramos pero algo más vieyos y eso va notase nel discu, tamos meyor compenetraos. Flauta, bouzouki ya voz con poucas colaboraciones pero las qu'hai son muitu bonas, unos chelos d'Hector Braga ya unos baixos de Sergio el del estudiu "TUTU" au grabamos.

Tol diseñu y trabayu fotográficu ye tamién del fotógrafu oficial de Tuenda Javier Gutierrez Manzanares, esta vez la protagonista que mos acompaña ye Vitoria de Banduxu de Proaza, nel discu hai un tema mui especial d'esi llugar, ella además ye la muyer que sal na cabecera de "Camín de cantares".Esti tabayu vamos pesentalo el xueves dia 3 de xunetu a les 21 hores nel teatru Filarmónica d'Uviéu, les entraes a 5 euros van vendese en taquilla y me paez que tamién se saquen en Caxastur. Va ser una presentación guapa con delles sorpreses. A ver si vos presta esti segundu trabayu de Tuenda."

0 bilordios: