El Lladrillu Ataca a Greenpeace

Inmobiliaries con intereses en La Manga del Mar Menor traten d'intimidar a Greenpeace pidiendo, mediante cartes, sumes que superen los 20 millones d'euros.

La organización ecoloxista Greenpeace denuncia qu'un círculu minoritariu d'inmobiliaries, con intereses en La Manga del mar Menor, tan unviando cartes nes que reclamen sumes de perres que superen los 20 millones d'euros. Los constructores traten de responsabilizar a Greenpeace y a la so campaña de llucha escontra'l cambiu climáticu de les dificultaes que tan atopando nun mercáu saturáu pola especulación urbanística.

Visto na páxina de Greenpeace.

Ye qu'esta xente de Greenpeace nun piensa les coses, protesten y protesten pol cambiu climáticu y la especulación urbanística masificada, ensin pensar que les inmobiliaries tienen que gananse la vida y vender más y más viviendes...

Estos ecoloxistes nun piensen en nada...