Ya se tien falao que tenemos l'inprescindible blogue porno que toa rede necesita y agora ya tenemos un blogue friki amante de la cultura bizarrra, dispuestu a enseñanos los baxos d'esti inframundu. Entá ye la política-llingua'l tema estrella de la nuesa comunidá, pero temes estremaos tan faciéndose un llugar ente lo blogues qu'usen la nuesa llingua. Asina, hai un que va de cine, otru que fale de llibros, otru sobre la minería, otru sobre filosofía, otru d'un grupu de baille, otru de compra-venta, otru de música de raigañu, otru sobre los conteníos de la rtpa n'asturianu, otru d'una escuela de música tradicional, otru de chigres, otru de cine más, otru d'un grupu aficionáu al Real Uviéu, otru pa la compra de llibros n'asturianu de segunda mano, otru eróticu y de xuru que munchos otros de d'otros temes estremaos qu'agora nun me vienen a la tiesta.
El caleyar ye sele y llentu pero vese diferencia comparando col añu pasáu y más col anterior. Paez que vamos siendo una blogosfera más normal, piquiñina, pero más normal.
4 bilordios:
A lo que se vé, namás somos un poquiñín lentos... pero normales. hehe-. Pa mí la normalidá llegó cola filosofía y la pornografía. POr cierto... gracies pro descubrime más blogues
"La filosofía y la pornografía danse la mano pa llevar a la asturblogosfera a la normalida".
¡¡¡Que gran titular!!!
La verdá que nos últimos meses ta produciéndose un "españíu" de la blogosfera astur, rara ye la selmana que nun sal ún nuevu. Amás lo q dices d´especializate, yá nun ye too llingua, oficialidá y Areces castrón.
P.D; Y amás del pornu y los frikis nun vos escaezáis de los lliberales ;)
Reiterándome :-P: http://www.youtube.com/watch?v=etVCUmgfMag
Publicar un comentario