A parte de lo del porno y el consesu n'agrandar la bayura de conteníos de los nuesos blogues, nel I Sidra&Blogues que se fizo n'Uviéu el pasáu 24 payares, llegamos al alcuerdu de facer una wiki pa la xunta de blogues en llingua asturiana, que se entamó esi día. Una wiki (o una uiqui) (del hawaianu wiki wiki, «rápidu») ye un sitiu web collaborativu que pue ser editáu por dellos usuarios. Los usuarios d'una wiki puen asina crear, modificar, esborriar el conteníu d'una páxina web, de forma interactiva, cenciella y rápida; diches facilidaes faen de la wiki una ferramienta efectiva pa la escritura collaborativa.
La idea ye editar los conteníos ente toos y toes, faciendo d'ella el sitiu onde compartir información que consideremos interesante (cursos, páxines afayaices pa los blogueros y blogueres, noticies...) y un puntu d'unión onde comunicanos, amás de tolo que vaya medrando col pasu'l tiempu. De xuru que munchos nun saben andar per ella nin editar conteníos o poner enllaces (yo mesmu hasta fai una selmana...). Taba bien que la xente que sabe movese poles wikis, echara un gabitu a los demás. De toes formes, nel alcuentru d'abril, facía falta dedica-y una migaya tiempu a esti asuntu. De mano, podeis da-vos d'alta enantes d'entamar a editar.
La wiki de La Xunta de Blogues en Llingua Asturiana, ye :
5 bilordios:
Tin ¿como se fai p'afayase na wiki?
p.d. a ver esos folk metal meyor deprendien a cantar la cabraliega, je je je
Hai que dase d'alta con nome d'usuariu y contraseña, paezme qu'arriba a la drecha.
Mui bien, prestosa la páxina wiki.
y pa cuando flogsfera?
ye muncho más guai que la blogsfera n'asturianu y con munches más entraes diaries...
y de calidá.
La verdá ye que nun ye la primer vegada que siento esta entruga que nos presentes. Les veces que sentí falar d'ello, ví xente que defendía la to postura y otra xente que taba pola contraria.
A mí personalmete nun me paez lo mesmo, paezme asemeyao. Al marxe de dar prioridá a la semeya o al testu, el fotolog, pienso que ye un formatu más cenciellu, direutu y dinámicu. Por eso me paez que tienes razón en lo de que tien más entraes diaries, pero lo de más guai, nun se... y lo de más calidá puedo asegurate que non. Y esto diztelo ún que tien un blog y un fotolog y que se mueve poles dos comunidaes. Sicasí, esti paezme un bon tema pa un post futuru. Espero qu'esa vegada firmes col to nome, que nun pasa na por dar la opinión. Un saludu y gracies pol comentariu.
Publicar un comentario