Delles coses sobre'l 24 de Payares

26.10.07

print this page
send email

La xente de TrayasgayA va tener una xornada completa el 24 de Payares. Al "I Alcuentru Sidra&Blogues" y la convocatoria de la mani a les 18 hores na estación del norte d'Uviéu, améstense les diferentes marches que se van facer dende dellos conceyos, col enfotu de llegar a Uviéu a la hora de la mani. Nós, vamos dir cola marcha del Valle del Nalón que va salir a les 11 la mañana del Parque vieyu de La Felguera. Esti martes, 30 d'ochobre a les 7 la tarde, va tener llugar nes Escueles Dorado de Sama, un conceyu onde asistirá xente del C.A.O., representantes de delles organizaciones que sofiten y van asistir a la marcha y xente a nivel individual, que van dir p'algamar información o material, sobre'l día de la convocatoria. Si quiés dir o saber más del tema, pues averate'l martes 30 d'ochobre a les 7 la tarde poles Escueles Dorado de Sama.


El petu que veis na semeya d'arriba, va vendese el día 24, tanto a la xente que va llegar nes marches como los que sólo van asistir a la mani. Habrá dellos collores y el preciu d'un petu y un pin, va ser de 5 €.


Por otru lláu, ya se esbilló el chigre onde va tener llugar l'alcuentru de blogueros, dempués de la mani. Podeis atopalo en http://www.24payares.wikispaces.com/

2 bilordios:

Vity dijo...

Nun sé quien lleva'l tema de marketing nel CAO pero, la verdá, un petu nun me paez que seya mui vendible...

TrayasgayA dijo...

Bono, supongo que la idea yera da-y una migaya de collor a les marches y la mani, a la par que se sacaben unes perruques. Polo visto, ta pensandose en emplegar eses perres pa una sorpresa que va haber durante la mani, aunque paez qu'inda ta too nel aire y pué ser que quede pa práu. Lo de mercar el petu, a la fín, camiento que ye una cuestíon puramente de militancia.