Samartín del Rei Aurelio ya pué presumir de ser la tercer ciudá más poblada de les Cuenques. El Conseyu de Gobiernu del Principáu dio lluz verde na tarde d'ayeri a la unificación nuna única urbe de L'Entregu, Sotrondio y Blimea. La ciudá de Samartín del Rei Aurelio contará con 17.000 habitantes nun entramáu urbanu de más de 7 kilómetros y pasará a sustituir a Sotrondio como capital del municipiu. La intención del Ayuntamientu, qu'acordó el cambiu de denominación na sesión plenaria cellebrada en ochobre del añu pasáu, ye puxar pola identificación del conceyu y reforciar la so presencia nos indicadores de carreteres. Nestes señales sólo apaecen reflexaos los nomes de llocalidaes, non de municipios.
Fonte: LNE
2 bilordios:
Quier puxar pola identificación del conceyu, pero qué va pasar cola identificación de los pueblos?
Ye verdá que polo menos como yo lo veo, que paso bastante per ehí, yo paso de Llangréu a Llaviana sin pensar que paso Samartín, paso Ciañu, L'Entregu y Sotrondio, igual a más xente-y pasa como a mí y ye lo que quieren evitar
La verdá ye que la xente que nun ye de la cuenca ármase unos xareos colos pueblos de Riañu a Llaviana, de la virxen. Yo teo sentío que de fondu hai una cuestión económica de drechos por númberu d'habitantes, asina que la cosa debe tener más miga de la que paez. Esto mesmo, fai tiempu que ya se fizo con Llangréu y entamose a falar del distritu de La Felguera, el distritu de Barros, pero la xente sigue cola nomenclatura y distribución tradicional na so tiesta. Paezme qu'en Samartín pasará más o menos lo mesmo. Lo que me asombra ye la capacidá de los políticos de falar de inventos y nomatos ayenos a la xente de los pueblos, y lluéu son capaces de facer, desfacer y renombrar como yos da la gana.
Un saludu y gracies por comentar.
Publicar un comentario