Fai tiempu que se fala de proyeutos de xuntanza pola nuesa blogosfera. Cosa dificil nel universu esti del asturianismu. Pero la xente que fai blogues, somos persones rares y estremaes. Asina que dempués d'un primer acercamientu nel mes d'abril d'esti añu, baxo l'abellugu de la escuela de seronda, parez que llega la hora de formalizar esos contautos y xunir fuercies p'algamar un oxetivu común. A raiz de dellos comentarios ente diferentes blogs y dalguna qu'otra conversación privada, ñacen tres idees básiques:
- Facer una primer quedada enbaxo'l nome "I Sidra&Blogues Pola Oficialidá", aprovechando la mani del C.A.O. del 24 payares d'Uviéu cola fín de conocese y falar de la creación d'una Xunta de Blogueros/es en Llingua Asturiana, y de la organización del "II Alcuentru de Blogueros/es en Llingua Asturiana" sobre'l mes d'abril de 2008.
- Crear una Xunta de Blogueros/es en Llingua Asturiana, tomando les decisiones de los caminos a siguir.
- Organizar de forma autónoma el "II Alcuentru de Blogueros/es en Llingua Asturiana", con tolo qu'ello conlleva (llugar, ponentes, material, suvenciones...) nestos siete meses que queden.
El guante ta echáu. Almítense idees, propuestes y tolo que se vos ocurra.
Un saludu, xente.
18 bilordios:
Val. Cuntái conmigo
Yo nun voi poder tar, trabayo tolos sábados pela tarde.
Cuntái tamién conmigo, por ciertu, perguapu'l cartelu.
En principiu, si nun pasa nada d'ultima hora, tamién podéis contar conmigo. Paezme un bon proyeutu. Sicasí, prestaríame que s'entamare a llamar «Xunta de Blogueros/es en Llingua Asturiana», más que nada pola sensibilización feminista (cola que yo personalmente simpatizo). Saludos.
Ricardo, lo que fales del nomatu de la xunta, ya lo había pensao y toi totalmente d'alcuerdu. Sicasí, paezme una d'eses coses que se puen falar el 24.
Alégrome de lleer lo que dices. Falarémoslo entós ;)
A mi la idea préstame, pero nun m'acabo d'enterar de qué queréis facer esautamente, más que nada porque neses coordenaes espacio-temporales que proponéis va tar petao de xente y nun me paez mui bon sitiu pa charrar, supongo que lo que tendréis pensao será quedar pa dempués de la mani ¿non?
Una manera de facer el nome del proyeuto neutru en términos de xéneru podría ser "Xunta d'Autores (o d'Escritores) de Blogs en Llingua Asturiana". Paezme más elegante que lo de la barra inclinada, anque la xente ta tán avezada a pensar en masculín que pue nun decatase de que "autores" puen ser tanto homes como muyeres pero eso ye problema del mal entendedor.
En definitiva, contái conmigo tamién.
Saludos
digotelo yo:
lo que se pretende ye quedar na mani y al finar facer una xuntanza nuna sidrería pa falar de coses como lo d'esa nomenclatura de la nuesa xunta (nun yes la primera que propon esbillar un nome neutru). Y sobre too falar del alcuentru (cosa más seria que'l sidra&blogues)d'abril. El sidra&blogues ye una quedada, más de andar por casa, que nos sirva de primer puntu d'alcuentru. Hai dos alternatives, o quedar delantre la puerta de la estación a les 18 h. y caleyar xuntos o, el que nun pueda, dir direutamente al chigre que entavía ta por determinar. Eso queda a elleición de cada ún. En unos díes daremos el nome d'una sidrería que nun tea lloñe y seya afayaiza. Espero que la cosa tea un puquiñín más nidia, pero si non, nun duldes en entrugar cualesquier cosa.
Un saludu.
Yo espero tar per Asturies esi día (cuntaba tar pola mani y agora con más motivu). Vemonos n´Uviéu collacios.
Prestabame tar un poco más enterada enantes del 24, porque ya me doi por invitada.
Supongo que si se propón una xunta, habrá polo menos la intención de trates dellos temes anque nun tean concretaos y que d'equí a payares direis/mos comentándolos.
http://rtpanasturianu.blogspot.com/
Nós apoyaremos tamién la iniciativa. Un saludu
al debalu: por eso ye importante que vayamos toos, por qu'asina, aumentamos la bayura de les propuestes y les opiniones. De xuru que toos tenemos na tiesta entrugues o proyeutos y espero que coincidamos en munchos. Ta bien que vayan saliendo temes, pa dir faciéndonos una idea de lo que se va a falar. Un saludu.
trasgu: préstanos pola vida que puedas averate a Uviéu.
Por otru lláu, en unos díes espero facer una llista de los blogueros que ya confirmaron la so asistencia y dar el nome del chigre, por qu'hai xente que va quedar delantre la estación pa caleyar xuntos y otros que van direutamente pal chigre. Un saludu a toos/es.
De Xuru que vou dir
cualaquier cousa que l.leve la pal.labra sidre ou sidra tengu que dir.
Prestame pu l'alma saber d'esti blog.
Sicasi na rede nun l.legan las zarpas del Esgoncial.lingües....
Pues esu cuntai cumigo pa lu que querais
el mio mail ia:
considreyunarapaza@gmail.com
PD:Cumu nos veremos al.li?¿
Habrá pancarta tipo "Xuntanza de Blog ou daque asina?
L'otru 50% de González y González nun pue dir, pero yo cuento con facelo, asina que apuntaisme.
Nun voi poder tar… físicamente, por alcontrame currando, pero conta-y conmigo pa sofitar cualquier cosa que queráis sacar alantre.
Salú.
Contái conmigo! anque estes coses danme vergoña....
URXENTE!!!! Con motivu del empiezu del calendario de reuniones ente los grupos parllamentarios pa la reforma del Estatutu d’autonomía, la Xunta pola Defensa de la Llingua Asturiana convoca una concentración col lema "Na Reforma l’Estatutu, L’Asturianu Llingua Oficial".
La concentración va facese a les 11:30 d’esti vienres 5 d’ochobre delantre de la Xunta Xeneral, na cai Fruela d’Uviéu.
¡AVISÁI A TOLA XENTE QUE PODAIS!
http://www.exunta.org/spip/article.php3?id_article=164
You ese día vou tar, pero tengo compromisu d'ir cola xente del oucidente andando dende Trubia, seique. Amás na mani andaréi tamién con esa xente. De la que se sepa'l chigre onde quedar, ponéilo, pa tirar p'allá despuós.
Eso sí, taba bien l.levar un "distintivu", porque you nun vos conozco a dengún.
Publicar un comentario