A menos d'una selmana pa les elleiciones nacionales y de conceyu, tolos medios de comunicación tan sacando les sos encuestes. TrayasgayA quier espublizar los resultaos de la encuesta que vien faciendo nel so blog dende fai dellos meses. Los resultaos son los que vienen darréu:
- El 45.9% de la xente que retrucó, piensa que'l Presidente Vicente va afitase otra llexislatura nel Gobiernín.
- El 21.6% cree que Ovidio va facese cola presidencia.
- El 21.6% piensa que la coalicion asturianista va algamar el mayor numberu de votos na hestoria.
- El 10.8% cree que IX-BA-LV van tener la llave pa poder formar gobiernu.
Por otru lláu, ente les muyeres que votaron, dase un triple empate ente les que piesen que'l venceor va ser Tini, les que creen que los asturianistas van algamar el mayor númberu de votos na hestoria y les que creen que IX-BA-LV van ser los verdaderos protagonistes.
A los homes paez-yos que Tini va siguir nel gobiernu por un llamativu 50%.
El 60% de los mayores de 45 años, dicen que'l PP va ganar estes elleiciones, mientres que'l 59% de los menores de 25 años, piensen que será Tini el que lleve el gatu al agua.
En TrayasgayA atopámonos ante una decisión qu'abarruntamos importante, por eso pensamos abondo nel nome que va poner la nuesa papeleta. Como bonos asturianos y asturianistes, cada ún tenemos la mirada dixebrada del otru, ensin posase nel mesmu lláu. Nun se si ye triste o simpático. Espero que nun sigamos el estereotipu asturianista hasta'l final y que dientru poco haya una TrayasgayA renovaora y otra talibana. Si vemos que la cosa se pon fea, siempres podemos face-yos casu a los del vídiu, que dicen que son ministros, asina que, pienso yo que sabrán un cachu d'esto.
El domingu fai lo que te de la gana, pero nun quedes en casa.
0 bilordios:
Publicar un comentario