Del bable nes escueles al bable nes esqueles

7.3.09

print this page
send email

Pasó la mani d'esti sábadu 7 de marzu. Pocu a pocu, la xente foi agrupándose delantre la estación, dexando atrás esos momentos d'incertidumbre nos que paez que nesta ocasión va a batise un record hestóricu, del mínimu d'afluencia. A la fín, la xente sal de debaxo les piedres y salvo glorioses excepciones, casi siempres hai la mesa xente en númberu con casi les mesmes cares.

La marcha entamó pasaes les 5 la tarde de delantre la Estación del Norte d'Uviéu. Esta vegada el tiempu acompañó y aunque taba nublao, nun cayó ni una gota y la temperatura yera agradable. Les diferentes organizaciones desplegaron los baberos y los cánticos clasicos entamaron a sentise. Nesta ocasión sintiéronse glayíos referentes a la situación de la llingua na Universidá y nes escueles.

Caleyamos pola Cai Uría y torcimos a la mandrecha al llegar al parque San Francisco pola Cai Conde Toreno, entamando un recorríu inéditu. Llegamos a la sede la U.X.T y tiramos a la manzorga pa llegar a aconceyanos delantre'l edificiu de la Coseyería d'Educación y Ciencia, onde se leyó el comunicáu que ye vezu, por parte d'una integrante de la Xunta Pola Defensa de la Llingua Asturiana.

La xente responde a les agresiones sufríes a la nuesa llingua por parte de l'alministración asturiana, mostrando disconformidá, y pidiendo cambios y dimisiones. Ye verdá que podía (o tenía) que haber habío muncha más xente, pero tal y como ta la conciencia social del pueblu asturianu, paeznos que la vindicación pro drechos llingüisticos dió otra llección de civismu, comportamientu, fidelidá y poder de convocatoria. Vémonos na siguiente...

2 bilordios:

Anónimo dijo...

Yo (con Eli y Telva) llegué un pelín tarde, cuando la manifestación entamaba remontar camín p'arriba paralela al parque San Francisco. Nun pudi llegar a les cinco en puntu. Y toi d'acuerdu contigo, poca xente y poco más o menos los mesmos...

Tin dijo...

Esta vegada nun vos ví!! :(

Fai dellos años, fuí a una mani con un familiar míu y alcuerdome que me dixo que siempres veía les mesmes cares, pero cada vez con más arrugues y canes... Agora entama a pasame a mí.