Aida Lafuente

Esbillao de wikipedia y Glayíu.org
Aida Lafuente ( 1918 - 13 d'ochobre de 1934), militante comunista llibertaria asturiana. Caía na ilesia de San Pedru los Arcos d'Uviéu cuando namai tenía 16 años. N'esos momentos defendía casi en solitariu con una ametrallaora la entrada a la ciudá escontra les tropes llexonaries del xeneral Franco, superiores en númberu y fuercia, durante la Revolución Minera d'Asturies de 1934.
Por estos fechos, Aida Lafuente pasó a la hestoria comu símbolu de les ganes revolucionaries de la mocedá asturiana. Hai abondos poemes y cantares dedicaos a la so memoria, ente los que cabe destacar la versión del tema popular fecha pol grupu Nuberu. Nel llugar onde cayó hai una estatua n'alcordanza la so xesta.

Fía de Gustavo de la Fuente, pintor de cartelos y decoraos pal Teatru Campoamor, y de Jesusa Penaos. Formada políticamente nuna familia de comunistes (el so pa había fundao el Partíu Comunista n'Uvieu, y los sos hermanos militaben nes Mocedaes), Aida yera una figura conocia nel movimientu xuvenil d'Uvieu en 1934. Los sos compañeros recuerdenla comu una escelente pegaora de cartelos.

El cadáver de Aida de la Fuente fue atopau na fosa coleutiva que se cavó xunto a una tapia de la ilesia de San Pedru Los Arcos. La versión difundia más ampliamente n'aquel tiempu, y que recoyeron, novelándola, la mayoría de los cronistes, vien del testimoniu transmitiu a la revista “Estampa” pol el llexionariu Torrecilla, que sitúa a Aida de la Fuente na ilesia de San Pedru de Los Arcos disparando con una ametrallaora escontra los lexionarios que avancen fasta la posición. Fala Torrecilla:''Nos mató con intervalo de unos segundos, a dos sargentos. Debía de tirar muy bien... Cuando recibimos la orden de entrar al cuerpo a cuerpo, no quedaban ya en la puerta más que otros dos revolucionarios y ella. Poco después cayeron los otros dos. En este momento, cuando yo, seguido de dos legionarios había avanzado hasta casi tocarla y le gritaba: “¡Ríndete!”, ella me dio un golpe muy fuerte con una barra que llevaba en la mano derecha y me derribó. Mis compañeros tropezaron conmigo y cayeron también. Entonces, aunque estaba medio aturdido por el golpe, vi que ella se había sacado una pistola del pecho. Iba a disparar... Pero yo fui más rápido en disparar la mía, y cayó... Iba toda vestida de rojo, y era guapa. Después lo he sentido...''

Pero'l descubrimientu de lo que pasó con los caberos defensores de San Pedru Los Arcos sería la información que finaría la investigación que-y costó la vida a Luis de Sirval. Nel so cuadernu de notes, escrites a llápiz, podiense lleer les cuatru siguientes llínies pa un artículu que enxamas foi escritu:''Daída Peña (probablemente pol segundu apelliu d'Aida: Penaos), 16 años, la fusiló el Teniente Dimitri Ivan Ivanov. Iglesia de San Pedro.Fusilaron 7 en seguida.'' Esta nota curtia, que foi la causa de que Sirval morriera a manes d'Ivanov, enterau de que un llexionariu había-y dao esti informe, correspuende cola versión obtenía por Alfonso Camín nos barrios del Narancu, y cola versión qu'ofrez Juan Ambou. Ambes paecen tar confirmaes polos trece impactos que Matilde de la Torre vio nel vestíu d'Aida que-y fue enseñau por unos vecinos que lu habíen recoyio. Trece tiros, non unu de pistola como diz el sarxentu Torrecilla. Un fusilamientu, y non una muerte en combate, siguiendo lo que paez ser prautica habitual de llexionarios y regulares delantre los revolucionarios detenios los díes 12 y 13 nos barrios d'Uvieu . Juan Ambou diz:''Los supimos después. Aida y doce más resistieron con las armas para proteger la retirada del grueso de las fuerzas revolucionarias... Murieron dos. Otros fueron heridos. Todos los que quedaron con vida fueron puestos contra el paredón de la iglesia, más bien del cementerio... Entre ellos Aida... Fueron ejecutados y enterrados en una fosa común... Desnudaron el cadáver de nuestra heroína. Buscaban, al decir del asesino Dimitri Ivan Ivanov, oficial del Tercio, documentos... Nada hallaron... Las prendas agujereadas por las balas y tintas de sangre fueron rescatadas por unos vecinos, las lavaron y las entregaron a la madre de Aida.''