Instala Ubuntu en Llangréu

La xente del colectivu Softastur va organizar una Install Party, en Llangréu. Softastur ye un grupu de xente que collabora tornando Ubuntu al asturianu y otros proyectos de software llibre. El fín ye instalar Ubuntu de baldre a tola xente que vaya col so ordenandor a les escueles Dorado de Sama, el vienres 16 de xineru de 2009 de 17 a 21 hores. Podeis facer toles entrugues nel corréu ubuntizate[arroba]softastur.org

Tola información equí.

Lleer Más...

Día dos Reises

El conceyu de Cultura Tradicional Vezos Astures, dedicáu y enfotáu dende hai años a la recuperación y espardimientu de la cultura traicional, entama l’añu 2009 cola recuperación del día “Dos Reises” nos pueblos de San Salvador y Fonteta nel Valledor, Conceyu d’Ayande.

La reisada va desendolcase el día 3 de xineru de 2009 dende les 11:00 de la mañana. Habrá dos compareses (grupu de mozos mazcaraos) que pidirán el guilandu pelos dos pueblos, dempués fadrase una xinta en comuña colos veceros que vaigan disfrutar de la tradición viva.

Los Reis son una de les mueses más antigües de les mazcaraes d’iviernu qu’entá anguaño se caltienen en casi tol occidente peninsular. Tan venceyaes a cellebraciones precristianes d’entamu del añu y enguedeyaes nos ritos natruales de dómines bien antigües.

Los reises nel Valledor pidíense tolos años unos díes enantes del 6 de xineru, día que se xuntaben tolos mozos, xebraos en comparses, na ilesia parroquial dempués de tener percorríos tolos pueblos de la redolada pidiendo el guilandu.

Los mozos diben mazacaraos, unos con pelleyes, representando lo vieyo y la natura (“los tolos”) y otros con ropa bueno, representando la modernidá, madamas, valencianos, soldaos (“los guapos”).

Recupérase esta tradicón dempués de 50 años gracies a los testimonios de los vecinos del Valledor y al so enfotu na recuperación de les braeres señes d’identidá cultural, asina como pol sofitu necesariu del Ayuntamientu d’Ayande, asociaciones de vecinos ya investigadores del folclor, que desinteresadamente van collaborar nesta tradición, empobinada nel marcu y contestu onde braeramente tien xeitu y sentíu: nos llugares que lo caltuvieron hasta anguaño y dientro d’esi universu que dende hai milenta años vien iguando la tradición.

Lleer Más...

Cambiu nes bases de les votaciones

Tras la demanda de dellos blogueros que ya habíen votao, dámonos cuenta que'l fechu de votar namás un blogue, dexa pol camín el votu de munchos blogues prestosos y el sistema de puntuaciones queda bastante probe. Asina que camudamos les bases de forma que se pueda votar 3 blogues con 5, 3 y 2 puntos respectivamente.

Ponemos los contaores a cero y vamos mandar un corréu a tolos que ya votaron. Alcordaivos que teneis hasta'l 31 de xineru a medianueche pa votar!!

Lleer Más...

Votación Meyor Blogue n'ast 2008

Una vegada más llamamos a conceyu a tola xente de la blogosfera. Va tiempu que nun se fai una actividá qu'eche un gabitu a la xunión y la interrelación ente los blogueros y blogueres. Agora que llega'l final del añu ye hora de facer balance. Una bona forma de repasar tolos cambios qu'hebo na nuesa comunidá ye facer una votación del meyor blogue n'asturianu de 2008, fecha polos blogueros y blogueres que formen la nuesa blogosfera. Les bases d'esta votación ta nel siguiente textu:

"Saludos a tola xente de la blogosfera n'asturianu. Nesti últimu añu, la nuesa comunidá de blogues camudó en forma, aunque va tiempu que nun se entama una d'eses iniciatives que faen comuña. A la mio mente, llega agora, aquel primer meme, el directoriu logastur, el Sidra&blogues, el "I Alcuentru", la creación de páxines de sindicación de rss y poco más. Pa siguir tando en contautu y funcionando como una comunidá ocúrresenos, entamar la votación del meyor blogue n'asturianu.

Esta votación y los sos resultaos van vese nesti blogue con unes normes básiques:

1- Sólo van poder votar xente que tenga un blogue n'asturianu.

2- Sólo se pue votar a un blogue que nun seya el propiu.

3- El votu tien que mandase al corréu trayasgaya@hotmail.com indicando a quién se vota y cuál ye'l to blogue. Osea, el blogue votáu y de que blogue procede'l votu.

4- Los votos dirán espublizándose nesti blogue, pero los votantes serán anónimos.

5- La fecha fín pa votar, va ser el 31 de xineru de 2009 a les 24:00 hores."


El blogue on se van dir viendo los resultaos ye: http://votaelmeyorblogue08.nireblog.com/

Animámosvos a participar, por que ye tuyo y ye nueso, ye de toos y toes.

Lleer Más...

Zapatos vs Misiles

Ya dicía mio güela que'l que siembra vientos recueye tempestaes. Sicasí estes tempestaes tan bastante desproporcionaes si mires los vientos que se sembraron. Siempres quedamos ablucaos cola facilidá que la xente escaez les decisiones que tomaron los ex mandatarios nel so momentu de poder. Cuando lleven años retiraos, dedíquense a dar charres, conferencies previu pagu y clases maxistrales como si hubieran sío una fonte de sabiduría y nun llevaran nenguna muerte a les sos espaldes. Alcuerdome cuando, fai años, el pá d'esti esquivazapatos vino a Uviéu.

Lleer Más...

La Conderga de la $GAE

Acabamos d'enteranos que por fín, la SGAE foi condenada por un tribunal, a pagar por el vídiu que grabó un detective que contrataron, nuna boda particular, col fín de presentalu como preba nun xuiciu de drechos d'autor pa demostrar que nun se usó música con copyright.

Fai unos díes l'Axencia de Protección de Datos archivó la demanda pero agora rectificó, firmando una resolución que conderga a la SGAE a pagar 60.101,21 € por violación de la intimidá. De momentu nun va pagar ni un duru, porque tienen pensao presentar un recursu Paez ser qu'argumenten que contrataron un detective priváu, pero en nengún casu-y dixeron que se metiera na boda. Veremos en que queda la cosa.

Lleer Más...