I Alcuentru Asturcélticu

La Agrupación Folclórica Asturiana "Los Xustos" entama'l "I Alcuentru Asturcelticu", que forma parte del programa cultural nel Arcu atlánticu que se presenta con esti actu. Va tener llugar el día 15 d'esti mes, a les siete y media la tarde nel atenéu de la Calzada de Xixón.

Lleer Más...

XI Festival Tradicional de Llugones

Esti XI Festival ta dientro de la Semana Cultural, que va tener llugar el sábadu día 15 de Payares a les 20.00 hores nel Salón d'Actos de la Casa Cultura de Llugones, van presentase los bailles autóctonos de Cangas del Narcea, de la mano de tocadoras, y danzantes de la zona, así como, de Lleón y Galiza.

Lleer Más...

2u Alcuentru de Pandereta Gallega ya Asturiana

El prósimu sábadu 29 de Payares, fiesta escomanada ya convivencia astur-galaica nel Albergue de Sabucedo (A Estrada). Veníi toos ya toes a compartir migayines de cultura pente pueblos hermanos, de la manu de pelleyes ya ruxideres ya los vieyos cantares de les nueses cantantes que mos pondrán a baillar ya armar folixa dica'l ñacer del día.

Programa.
-20,30h. Recibimientu nel Albergue de Sabucedo (A Estrada):
www.alberguedesabucedo.com

-21,30h. Cena-confraternización a base de produtos del país (cocido galego, bon vinu mencía, postre, café...).

-23,30h. ¿? Actuación de los grupos de pandereteres:

-Pandereteres de Fitoria (La Pola Siero-Asturies).

-Os Muíños de Oliveira (Ponteareas-Galiza).

-¿¿??h. Fiesta escomanada dica l'alborecer (polo menos!!).


Inscripciones.
-Unviar datos personales (nome ya apellíos, teléfonu, e-mail de contautu) ya mou de pagu escoyíu (en cuenta o en manu el mesmu día) enantes del día 21 de Payares a les señes lletróniques:
xuntanza_transeu@hotmail.com.

Precios ya mou de pagu.
-Cena más agospiu na Casa de Turismo Rural: 40 Euros.

-Sólo cena: 25 Euros.

Ingresu na cuenta 2091 0530 38 3000031846-Caixa Galicia. Especificar “Alcuentru” o “Encontro” ya mail o nome del pagador/a.
Non escaecer trayer el resguardu de pagu el propiu día del Alcuentru.

Nota: se preferís dormir en habitación individual, podéis reservar agospiu personalmente nos Hostales Forga de Cerdedo (Tlf. 986 753 038) o Novo París de Forcarei (Tlf. 986 754 134), ambos a 10 minutos de Sabucedo.

Lleer Más...

Trad.Ye

Ésti mes de Payares sal a la venta TRAD.YE, el segundu trabayu discográficu en solitariu, del músicu y cantante llangreanu Héctor Braga.

Con tastu acústicu y basándose de nuéu nos archivos recoyíos durante les sos excursiones etnomusicales, reinterpreta les asturianaes clásiques de principios del S.XX, actualiza romances d'orixe medieval, revive l'arte de cantar y tocar la gaita al mesmu tiempu, ellabora cantares herederos del más pícaru Mester de Xuglaría, recrea la xenuina lliteratura popular de cordel... Pero lloñe de quedase na música "de muséu", Héctor Braga ufierta numeroses aportaciones artístiques a la tradición musical qu'interpreta y investiga. Esta vegada, rodéase de selectes intervenciones llevaes a cabu poles Bandines Tradicionales "Los Ciquitrinos" & "Principado", los músicos asturianos Pepín de Muñalén y Alberto Ablanedo, y la collaboración especial del gran músicu castellanu Luis Delgado.

Pue topase más información sobre'l discu na web http://www.nomuzak.com/es/musica/grupos/discografia.php?site=HECTOR_BRAGA

Pa descargar dalgún tema podeis pinchar nel enllaz: http://www.nomuzak.com/es/musica/grupos/noticias.php?site=HECTOR_BRAGA

Para contactar con Héctor, podéis facelo nel corréu lletrónicu hectorbraga@gmail.com o más directamente al teléfonu 606 839 138 (llunes y xueves pola mañana y los vienres a partir de les 17,00).

Lleer Más...